web counter
LEXO PA REKLAMA!

SHKARKO APP

App Store
Google Play

E fundit!

x

Mashtruesi i Fierit,Babai: Nuk jeton me ne, banorët: Në grackë edhe shoku i ngushtë

1 Korrik 2014, 11:26, Aktualitet CNA

Dëshmi të reja zbardhen për mashtruesin e Fierit, 29-vjeçari Ledjan Muçaraku i cili u arrestua nga policia pas zbulimit të një super skeme mashtrimi me 900 persona të përfshirë. Muçaraku u jepte para borxh studentëve e biznesmenëve, më pas ua merrte përsëri dorazi dhe në fund i hidhte në gjyq, duke i akuzuar pikërisht për moskthim të parave. Shumat e mashtrimit shkojnë deri në 250 mijë euro.
Disa banorë të fshatit Grykë Seman, që e kanë pësuar në kurriz, kanë treguar historitë e tyre dhe se si kanë rënë pre e mashtrimit të 29-vjeçarit.
Nëna e një studenti me emrin Fatmir Prifti, rrëfen se ?Ledjon Muçaraku na mashtroi dhe na futi djalin në burg. Pas mashtrimit, djali im u dënua me 3 muaj burg. Ledjan Muçaraku mori në qafë një popull të tërë. Ai iu jepte pak lekë dhe shumëfishonte shumat?.
Gruaja më tej rrëfen se, çështjen e ka çuar deri në Gjykatën e Apelit në Vlorë, ndërsa kërkon vënien në vend të drejtësisë dhe lirimin e djalit.
Një banor tjetër tregon se Ledjani nuk kurseu as shokun e tij. ?Ledjani nuk ishte njeri i rregullt, mashtroi dhe shokun e tij të ngushtë. Ishin rritur bashkë, Ledjani i mori para duke e mashtruar. U jepte 5 mijë lekë dhe i merrte 50 mijë?, rrëfen ai.
Ndërsa të tjerë banorë rrëfejnë se, ?Janë bërë gjyqe, por banorët asnjëherë nuk kanë fituar?.
I ati i Ledjanit ka rrëfyer ndër të tera se nuk e dinte me çfarë merrej djali pasi nuk jetonte me familjen. ?Nuk e di çfarë bën djali im, nuk jeton në shtëpinë tonë?.
Mësohet se Muçaraku rrezikon deri në 10 vjet burg për mashtrim.





Lajmet e fundit nga