web counter
LEXO PA REKLAMA!

SHKARKO APP

App Store
Google Play

E fundit!

x

Ja pasuritë zyrtare të Visho Ajazit, Llallës, Didit, Shehajt, Lames, Spiropalit dhe Leskajt

30 Qershor 2014, 11:42, Aktualitet CNA

Përmes deklarimeve në ILDKP është hedhur dritë mbi pasuritë e drejtuesve të institucioneve ligjzbatuese në Shqipëri. Kryetari i SHISH, Visho Ajazi Lika, në deklaratat e tij për pasurinë për vitin 2012 rezulton se ka investuar fondin e pensionit në një kompani në Kanada, në vlerën 1500 dollarë kanadezë. Një vit më vonë, ai ka fituar më shumë se 66 mijë dollarë nga ky investim.

Në deklaratën e pasurisë të vitit 2012, Visho Ajazi deklaronte 950 dollarë kanadezë në bankë dhe 453 dollarë të tjerë në CIBS Stock Investment. Një vit më vonë pasuria e tij ka shkuar 29 mijë dollarë kanadezë dhe 14 mijë dollarë amerikanë. Po në këtë vit, kreu i SHISH ka deklaruar shitjen e biznesit për 12 mijë dollarë kanadezë dhe marrjen e një kredie bankare prej 100 mijë dollarësh kanadezë.

Në Shqipëri, Visho Ajazi Lika ka marrë 5 milionë lekë të reja kredi për të blerë një apartament në vitin 2011, kohë kur u kthye për t?u emëruar zv/Ministër. Pjesa tjetër e deklaratës së pasurisë përbëhet nga paga dhe honoraret në dy detyrat e mbajtura prej tij si zv/Ministër i Teknologjisë dhe Inovacionit dhe shef i shërbimeve sekrete.

Kreu i Policisë së Shtetit, Artan Didi, në deklaratën e pasurisë të dorëzuar në ILDKP thotë se ka blerë një sipërfaqe prej 1500 metrash katrorë në fshatin turistik të Dhërmiut për 600 mijë lekë të reja dhe ka shpenzuar 500 mijë lekë të reja për ndërtimin e shtëpisë, e cila është ende në vazhdim. Në vitin 2011 ka blerë një apartament prej 140 metrash katrorë, me vlerë 150 mijë e 620 euro. Më tej Didi deklaron se në periudhën janar- qershor ka qenë në SHBA, ku ka përfituar 10 mijë e 800 dollarë. Gjithashtua ai ka për të shlyer një kredi prej 4 mijë eurosh të marrë në vitin 2008 dhe 20 mijë euro nga një kredi e marrë në vitin 2010.

Kreu i Prokurorisë së Përgjithshme, Adriatik Llalla, në deklaratën e tij të pasurisë shkruan se në vitin 2012 ka paguar 2 milionë e 200 mijë lekë për të blerë një apartament me sipërfaqe 67.2 metra katrorë në plazhin e Durrësit. Në të njëjtin vit, kryeprokurori deklaron edhe 170 mijë e 107 lekë llogari rrjedhëse dhe një tjetër prej 900 mijë lekësh. Për vitin 2013, pasuria e kryeprokurorit është pakësuar dhe ai ka mundur të kursejë vetëm 500 mijë lekë të reja nga pagat.

Kreu i ALUIZN-it Artan Lame në deklaratën e tij të pasurisë shkruan se zotëron  një koleksion armësh të vjetra, një tjetër dekoratash dhe medaljesh dhe një të tretë me uniforma dhe pajime ushtarake. Ai zotëron një apartament në Tiranë prej 165 metra katrorë, të blerë në vitin 2013 për 64 mijë euro, një apartament në Qerret të Durrësit, i blerë për 45 mijë euro në vitin 2007. Gjithashtu Lame ka blerë një makinë 6 mijë euro dhe zotëron një llogari bankare prej 500 mije lekësh të reja. Ai deklaron se përapara se të vihej në krye të ALUIZNI-t ka përfituar 22 mijë dollarë nga një projekt i SOROS për trashëgiminë kulturore dhe se ka për të shlyer 1 milionë lekë nga një kredi prej dy milionë lekësh të reja.

Briseida Shehaj, drejtoreshë në Drejtorinë e Përgjithshme të Tatimeve në deklaratën e saj të pasurisë shkruan se zotëron një apartament në Vlorë me vlerë 40 mijë euro, të blerë me dy kredi nga Banka e Shqipërisë në vlerat 1 milion e 259 mijë e 27 lekë dhe 4 milion e 449 mijë e 81 lekë.

Drejtoresha e Përgjithshme e Doganave, Elisa Spiropali, ka një shumë prej 15 mijë euro cash të kursimeve ndër vite. Zotëron një makinë tip ?Opel?, të blerë nga kursimet për 200 mijë, gjithashtu zotëron edhe një makinë ?Mini Cooper?.

Të ardhurat e siguruara ndër vite nga angazhimet në firmën ligjore ?Lanser& Kubitsche?, New York 2005- 2006, lëvizja Mjaft, 2006- 2009, instituti ?Agenda?, universiteti ?UFO?, 35 mijë euro.

Kryetari i Kontrollit të Shtetit, Bujar Leskaj e ka shtuar pasurinë e tij me një truall në Tiranë, të blerë për 46 mijë dollarë.





Lajmet e fundit nga