Përplasja për Gjykatën e Tiranës,Naço:'' Këshilli i Lartë i Drejtësisë është gangrena e sistemit të drejtësisë''

1 Korrik 2014, 11:23, Aktualitet CNA

Këshilli i Lartë i Drejtësisë është gangrena e sistemit të drejtësisë. Kështu ka deklaruar sot Ministri i Drejtësisë, Nasip Naço. Ditën e djeshme mes Ministrisë së Drejtësisë dhe KLD-së ka pasur debate sa i takon emërimeve të gjyqtarëve të Gjykatës së Tiranës, për plotësimin e 4 vendeve vakante. Sot Naco shprehet se: ?Nuk është rasti i parë që KLD e shkel ligjin, ndjek axhendë personale. Rasti djeshëm është flagrante, pasi kisha lajmëruar që nuk do isha. Dhe seanca nuk e shtyu mbledhjen, dhe presidenti nuk ishte në mbledhje. Muaj më parë në kabinete politike ishin përfshirë ata persona që janë prezantuar për vendet vakantë në gjykata. Prej disa muaj nuk marrin pagat gjyqtarët në Lushnje, të cilët po denigrohen. Në rastin e djeshëm, duket qartë axhenda personale e KLD dhe po emëron në mënyrë selektive.?-kështu ka theksuar Naço. Sipas Naços, Këshilli i Lartë i Drejtësisë ka emëruar ata gjyqtar që ka dashur vetë dhe jo duke u mbështetur tek ligji.?Ky është një turp tjetër i KLD, pasi kam kërkuar shumë herë që të bashkëpunojmë. Si ministër i kam propozuar të shpallen vendet vakantë. KLD ka pasur synim të emëroj gjyqtarët në Tiranë e jo në rrethe. Që nga muaj shtator kam kërkuar bashkëpunim. Por KLD ka emëruar ata gjyqtar që ka dashur vetë. Nuk mund të bëhemi pjesë e BE nëse nuk respektohet ligji. Nuk ka transparencë nga ana e KLD, këtë gjë e vërtetojnë dhe ankesat e qytetarëve. Mjafton tu them faktin e gjykatës së Lushnjes, e cila nuk merr pagën. Ndërkombëtarët tashmë e kanë kuptuar, dhe vetë qytetarët.?-bëri me dije Ministri Nasip Naço. Sipas Naços, Parlamenti duhet të vazhdojë reformat në sistemin e drejtësisë, një sistem i përgojuar dhe i përfolur. ?Gangrena e sistemit të Drejtësisë është Këshilli i Lartë i Drejtësisë. Mjafton të bëni një sondazh, dhe qytetarët e votojnë që KLD nuk respekton ligjin. KLD është një ishull i izoluar që nuk respekton?-përfundoi Naço. Sipas Ministrit të Drejtësisë, veprimet e KLD-së janë një rishkelje e ligjit.