web counter
LEXO PA REKLAMA!

SHKARKO APP

App Store
Google Play

Ja kompleksi 250 milion euro, i Artan Santo investuar në Prishtinë

1 Korrik 2014, 15:50, Aktualitet CNA

Hetimet për vrasjen e Artan Santos shtrihen edhe në Kosovë.

Burime nga policia kanë bërë të ditur për A1 Report se pala kosovare ka nisur hetimet pas një bisede mes dy drejtorëve të policisë, pasi dyshohet se, dy killerat mund të kenë ardhur nga andej, së bashku me mjetin e tyre ?Suzuki-V-Storm?.

Është shfrytëzuar takimi në Prizren mes dy drejtorëve të Policisë, Artan Didi nga Shqipëria dhe Shpend Maxhuni nga Kosova, për të diskutuar në lidhje me vrasjen e bankierit dhe ndihmë që do të japë Kosova për zbulimin e vrasësve.

Ndërkohë, Santo mendohej se ishte pjesë e një investimi shumë të rëndësishëm në Prishtinë.

Bëhet fjalë për një kullë prej 44- katëshe, e cila do jetë qendër rezidenciale dhe tregtare.

Së fundmi ishte raportuar në mediat kosovare se ndërtimi i kompleksit ENK ka ngecur.

Kulla më e lartë në rajon duhej të përfundonte sivjet, por kompania thotë se do i duhen edhe të paktën katër vite.

Sipas tyre, hapja e shtatë kateve poshtë në tokë u ka kushtuar shumë dhe u ka marrë shumë kohë.

Mendohet se deri më tani janë investuar mbi 50 milionë euro vetëm për këto kate, nga 250 milionë euro në total për gjithë kompleksin.





Lajmet e fundit nga