web counter
LEXO PA REKLAMA!

SHKARKO APP

App Store
Google Play

Gjyqi ndaj Arben Frrokut, seancën tjetër shfaqen pamjet e krimit

2 Korrik 2014, 10:45, Aktualitet CNA

Gjykata e Krimeve të Rënda, gjatë seancës gjyqësore ndaj biznesmenit Arben Frroku, të akuzuar për vrasjen e kryekomisarit Dritan Lamaj, ka vendosur të shfaqen pamjet filmike të ngjarjes.  Sipas Gjykatës së Krimeve të Rënda, bëhet fjalë për pamje të disa kamerave që kanë filmuar ngjarjen, të pashfaqura më parë. Gjykata pretendon se në këto pamje që do shfaqen në seancën e radhës, është filmuar e gjithë skena e vrasjes.

Ndërsa në lidhje me dëshminë e dëshmitarit okular Arben Ndoi, prokuroria ka deklaruar se ende nuk e ka vendosur formën se si do merret në pyetje dëshmitari, i cilësuar si prova kyçe kundër biznesmenit Frroku.

?Nuk kemi vendosur si do pyesim dëshmitarin. Po shohim mundësinë e pyetjes me video- konferencë?, ka thënë prokurori.

Por deklarata e prokurorit ka sjellë reagimin e ashpër të biznesmenit Frroku, i cili u shpreh se ky dëshmitar duhet të ishte marrë i pari në pyetje, kur konsiderohet kaq i rëndësishëm për prokurorinë.

?Dëshmitari Arben Ndoi kërkon prokurë, kur duhet të merrej i pari në pyetje?, tha Frroku.

Frroku tha se po mbahet me të padrejtë në burg nga ajo që e cilësoi si banda në sistemin e drejtësisë.

Sipas Frrokut, në rrugë ka një bandë që vret biznesmenë, ndërsa në drejtësi ka një bandë që mban në burg kot njerëzit.





Lajmet e fundit nga