web counter
LEXO PA REKLAMA!

SHKARKO APP

App Store
Google Play

Zgjedhjet në PD-në e Beratit, deputeti Astrit Veliaj përpiqet të manipulojë proçesin

28 Qershor 2014, 15:58, Politikë CNA

Ka përfunduar faza e zgjedhjeve në grupseksionet e PD-së në rrethin e Beratit, ku ditën e djeshme është mbyllur edhe grupseksioni i fundit në komunën e Roshnikut.

Sipas burimeve tona, i pranishëm në mbledhjen e kryesisë së radhës së degës së Partisë Demokratike ka qenë i pranishëm, veç koordinatorit për zgjedhjet në këtë rreth, edhe deputeti i PD-së për qarkun e Beratit, Astrit Veliaj.

Në një udhëzim të pak kohëve më parë kryetari Basha kishte kërkuar nga deputetët e PD-së që të rrinë larg procesit zgjedhor në parti, për arsye se ata mund të bëhen palë me kandidatë të caktuar, në këtë mënyrë mund ta komprometojnë procesin zgjedhor.

Mirëpo, nuk ka qenë i këtij mendimi gjatë gjithë kësaj kohe deputeti Veliaj, i cili edhe gjatë procesit të zgjedhjeve, por edhe ditën e djeshme, është munduar të ketë ndikim dhe akses në çdo mbledhje seksioni dhe grupseksioni, gati në mënyrë të hapur, ka bërë thirrje për votim të një kandidati të caktuar, duke sulmuar një tjetër kandidat, i cili është edhe më potenciali për  fitoren e zgjedhjeve, që pritet të mbahen javën e ardhshme.

Gjatë mbledhjeve të seksioneve u pa një prani shumë e madhe e punonjësve të administratës së universitetit  të Beratit, pronar i të cilit është z. Veliaj, punonjës që vinin aty vetëm e vetëm për të bërë zgjedhjen që diktonte deputeti Veliaj, ngase ndonjë lidhje me PD-në ata nuk kishin.

Po ashtu, deputeti Veliaj çdo herë që vjen në Berat në mënyrë të hapur nuk e fsheh dëshirën dhe simpatinë e tij për një kandidat të caktuar, duke hedhur baltë e duke sulmuar kandidatët e tjerë.

Veliaj, sipas atyre që ka deklaruar vetë një ditë më parë, pritet të bëhet më aktiv në fushatën zgjedhore brenda PD-së gjatë javës së ardhshme, javë e cila është vendimtare për zgjedhjet në degën e PD-së së Beratit.

Kjo është një shkelje e rëndë e paanësisë së deputetëve në këtë proces zgjedhor dhe komprometon rëndë rëndësinë e procesit.

Juljan Xhelilaj





Lajmet e fundit nga