web counter
LEXO PA REKLAMA!

SHKARKO APP

App Store
Google Play

Qeveria diskuton konkluzionet e BE/ Gjosha: Prioritet reforma në drejtësi dhe ajo territoriale

25 Qershor 2014, 13:31, Politikë CNA

Hapat që do ndërmerren nga Qeveria në kuadër të procesit të integrimit pas marrjes së vendimit për statusin kandidat të Shqipërisë në BE, janë diskutuar në mbledhjen e sotme të qeverisë. Këtë e ka bërë të ditur ministrja e Integrimit Klajda Gjosha në një konferencë për mediat .

Sipas saj, Qeveria ka diskutuar me detaje konkluzionet e Këshillit të Ministrave të Jashtëm, duke shtuar se  në fokusin e Qeverisë  do të jetë realizimi i reformës administrative territoriale dhe reformave në drejtësi, si dhe plotësimi i 5 prioriteteve.

?Kemi pasur mbledhjen e qeverisë ku janë diskutuar me detaje konkluzionet e Këshillit të Ministrave të Jashtëm dhe hapat në vazhdim në kuadër të integrimit. Në fokus do të jetë realizimi i reformës administrative territoriale dhe reformave në drejtësi, si dhe plotësimi i 5 prioriteteve. Do të vazhdojmë me një nga kërkesat që vijnë nga vendet anëtare, ulja e presioneve migruesve në vendet e BE, dhe të rasteve të azilit. Synojmë të ulët numri i azilkërkuesve nga Shqipëria. Në fokus do jetë edhe përmirësimi i marrëdhënieve ndërfqinjësore. Ftojë opozitën të jetë pjesë e gjithë reformave që kanë të bëjnë me procesin e integrimit europian?, tha ministrja e Integrimit.

Në vijim ajo shtoi se statusi i vendit kandidat është një mesazh i fuqishëm politik, që flet për arritjet e Shqipërisë dhe vijimin e përpjekjeve.

?BE ndodhet në një moment krize dhe ne nuk mund të mirëpresim një rritje të mirëfilltë të fondeve. E rëndësishme është që Shqipëria të vijojë me ndërmarrjen e të gjitha reformave kryesore që i nevojitën vendit?, tha Gjosha.





Lajmet e fundit nga