web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi, Opozita ka bojkotuar seancën e sotme

26 Qershor 2014, 10:27, Politikë CNA

Me një përshëndetje për marrjen e statusit kandidat ka nisur seanca e sotme plenare e Kuvendit. Kreu i Kuvendit Ilir Meta shprehu vlerësime për vendet e BE-së dhe punën e qeverisë dhe opozitës.

?Dua të falenderoj sidomos Parlamentin Europian dhe të githa grupet parlamentare, si dhe parlamentet e të gjitha vendeve anëtare që kanë qënë në mbështetje. Dua të përshendes angazhimin e jashtëzakonsh[m te qeverisë dhe kryeministrit Edi Rama, si dhe kontributin e opozitës dhe të komisionit te integirmit?, u shpreh Meta.

Seanca e sotme e Kuvendit, është bojkotuar nga opozita, ndërkohë që këtij vendimi nuk i janë bashkuar deputetët e grupit parlamentar të PDIU-së. Opozita vendosi të bojkotojë Kuvendin pas vendimit të Byrosë për të përjashtuar 10 ditë ish kryeministrin Berisha.

Deputetja e PS-së Arta Dade gjatë fjalës së saj në foltoren e Kuvendit ka vlerësuar marrjen e statusit kandidat, por e ka cilësuar sukses të vonuar. Ajo u shpreh se statusi nuk është një dekoratë dhe nuk mund të ketë privatizim të suksesit. 

ARSIMI PROFESIONAL, BLUSHI: VOTA IME KUNDËR COPTIMIT TË SISTEMIT ARSIMOR
Një eksperiment të nxituar e ka cilësuar deputeti Ben Blushi reformën për arsimin profesional. Ai është shprehur se do votojë kundër copëtimit të sistemit arsimor. ? Nuk është rruga të çojmë një institucion në varësi të një institucioni tjetër për ta reformuar. Në qoftë se shkojmë në këtë linjë shkollën se hoteleri turizmit pse mos ja japim ministrisë së turizmit. Unë jam kundër sepse arsimi është sistem unitar nuk mund të copëtohet. Arsimi profesional dhe formimi profesional nuk janë e njëjta gjë. Dyshoj se Ministria e Mirëqenies Sociale mund ta bëjë këtë gjë sepse ka një axhendë me punë për të bërë. Është Ministria e Arsimit përgjegjëse në bazë të Kushtetutës për tu marrë me arsimin. Mendoj që është një eksperiment i nxituar që ndoshta edhe mund të japë rezultatet e duhura. Diplomat në Shqipëri i jep vetëm Ministria e Arsimit. Habia ime është se si Ministria e Arsimit mund të pajtohet me këtë gjë. Në momentin që Ministria e Arsimit po bën një reformë ne e demotivojmë me këtë. Do kërkoja që kjo gjë të rishikohej nëse jo vota ime s?mund të jetë pro për copëtimin e sistemit arsimor.?- u shpreh Ben Blushi.

STATUSI, VASILI: DUHET TË PËRVESHIM MËNGËT
Nga foltorja e Kuvendit, deputeti Petrit Vasili theksoi se marrja e statusit kandidat është meritë e aleancës qeveritare. Sipas tij, Shqipëria ka ende punë për të kryer, dhe se duhet qeveria duhet të përvesh mëngët. 

?Përshëndesim këtë rrugë që po merr Shqipëria, e cila ka një trajektore për BE. Në këtë moment, duhet të përmendim dhe meriton qeveria e re. Ky është një sinjal që duhet të përveshim mëngët, pasi kënaqja me të djeshmen dhe shkujdesja për të tashmen do ishte një gabim. Ky është një proces i komplikuar dhe se ka nevojë për reforma të shumanshme. Këto janë reforma që inspirojnë optimizëm. Duhet ti japim një sinjal Evropës se e kemi merituar dhe duhet tj?a tregojmë këtë, që më pas të hapen negociata.?-kështu u shpreh Vasili.
BALLA: HAPJES SË NEGOCIATAVE SI VËMË DOT DAT, FTOJMË OPOZITËN TË BASHKËPUNOJË
Nga foltorja e Kuvendit, deputeti i Partisë Socialiste Taulant Balla theksoi se hapja e negociatave për anëtarësimin e Shqipërisë në Bashkimin Europian nuk mund ti vihet një datë. Balla i bëri thirrje opozitës që ti bashkohet punimeve në Kuvend dhe të bashkëpunojë sëbashku me mazhorancën. 

?Nga dita e sotme, për qeverinë dhe Kuvendin, nisin përgjegjësitë shumë të mëdha në rrugën e integrimit. Statusi është vetëm fillimi i një faze të re, marrëdhënie afatgjate. Na presin dy reforma të rëndësishme, siç janë reforma administrative territoriale, dhe ajo në drejtësi. Kjo do të jetë dhe sfida jonë e radhës. Do duhet të vazhdojmë me përgjegjësi, duke mbështetur 5 prioritetet. Këto 5 prioritet na duhet ti plotësojmë dhe na duhet kohë për implementimin e tyre. Qeveria ka një plan masash në kuadër të këtyre prioriteteve. Duhet të mbështesin policinë e Shtetit, e cila po fiton terrenin e humbur në përballje me krimin. Duhet të përgëzojmë kontributin dhënë nga çdo punonjës në policinë e shtetit, sish ishte operacioni në Lazarat. Në emër të kuvendit të Shqipërisë dhe shqiptarëve që duan shtet, ia ngritën kokën këtij shteti.?-shtojë më tej Balla. 

Më tej ai shtoj se marrja e statusit ka çuar në ndërhyrje imediate, në reformimin e sistemin e Drejtësisë. ?Marrja e statusit kandidat është e fundit mundësi që duhet të tolerohemi më, dhe duhet të ndërhyjmë në sistemin e drejtësisë. Qeveria po ngreh grupet e punës për ngritjen e këtyre 5 prioritet. Shpresojmë që në kohë rekord të kemi përfundimin e grupeve të punës për këto 5 prioritete. Ka një bashkëpunim të thellë mes Shqipërisë me vendet e tjera në rajon për uljen e numrit të azilkërkuesve. Hapja e negociata është një proces që nuk mund ti vëmë datën, por ky do jetë i shpejtë. i rëndësishëm është dhe dialogu mes mazhorancës dhe opozitës, në lidhje me procesin e integrimit evropian të Shqipërisë.?-shtoj Balla.

DADE: STATUSI SËSHTË DEKORATË, SKA PRIVATIZIM TË SUKSESIT
Pa asnjë mëdyshje shqiptarët kanë marrë një lajm të mirë. Nuk mund të jetë as një dekoratë as një privatizim i këtij suksese që është i vonuar. Dua të falënderoj të gjithë ata që kontribuan, KE, BE, PE dhe grupet që janë pro zgjerimit. Ata dhanë një mesazh të fuqishme që dera e BE mbetet e hapur. Në këto muaj kjo është një njohje e sukseseve të qeverisë së kryeministrit Rama duke dhënë prova të seriozitetit në zbatim të ligjshmërisë dhe angazhimeve që kjo mazhorancë ka marrë. Arritje në luftën kundër krimit dhe korrupsionit. Angazhimit për të krijuar një klimë të qëndrueshme në parlament. Ka krijuar hapësira për bashkëpunim. Marrja e statusit ka një rëndësi të veçantë jo vetëm në anën psikologjike por edhe për imazhin. Për thithjen e investimeve dhe sa më shumë turistëve. I takon qeverisë të krijojë premisat dhe kushtet për të përthithur sa më shumë investime.

RENDI I DITËS
1. Miratimi i procesverbalit të seancës plenare, datë 19.06.2014.
2. Projektligji ?Për disa ndryshime në ligjin nr. 8872, datë 29.03.2002 ?Për
arsimin dhe formimin profesional në Republikën e Shqipërisë? të ndryshuar.
3. Projektligji ?Për Autoritetet dhe Pushtetet e Drejtimit e të Komandimit të
Forcave të Armatosura të Republikës së Shqipërisë?
4. Projektligji ?Për Agjencinë e Inteligjencës së Mbrojtjes?.
5. Projektligji ?Për disa ndryshime dhe shtesa në ligjin nr. 8488, datë 13.5.1999 ?Për mbrojtjen e topografisë së qarqeve të integruara? të ndryshuar??.
6. Projektligji ?Për një ndryshim në ligjin nr. 22/2014 ?Për dhënie amnistie?.
7. Projektrezolutë ?Për vlerësimin e veprimtarisë së Komisionerit për Mbrojtjen e
të Dhënave Personale?
8. Projektrezolutë ?Për vlerësimin e veprimtarisë së Kontrollit të Lartë të Shtetit? .
9. Projektvendim ?Për shqyrtimin me prcedurë të përshpejtuar të projektligjit ?Për
ratifikimin e marrëveshjes së kredisë për eksport, ndërmjet Këshillit të Ministrave
të Republikës së Shqipërisë,që vepron në emër të Republikës së Shqipërisë dhe i
përfaqësuar nga Ministria e Financave, dhe Unikredit Bank Austria AG, për
financimin e projektit ?Shëndetësia elektronike në Shqipëri ? Regjistri
mbarëkombëtar i shëndetësisë elektronike?.
10. Projektvendim ?Për një ndryshim në vendimin nr.58/2013 ?Për ngritjen e nënkomisionit ?Për të drejtat e njeriut?, në përbërje të komisionit të përhershëm parlamentar për Çështjet ligjore, Administratën Publike dhe të Drejtat e Njeriut?.
11. Diskutime për çështje jashtë rendit të ditës.





Lajmet e fundit nga