web counter
LEXO PA REKLAMA!

SHKARKO APP

App Store
Google Play

Çuçi: Gati të dëgjojmë propozimet e opozitës për Reformën Territoriale

25 Qershor 2014, 20:45, Politikë CNA

Mazhoranca dhe Qeveria janë të gatshme të dëgjojnë opozitën në lidhje me reformën territorial, por ende nuk ka një propozim apo një variant konkret prej saj. Ministri për Çështjet vendore Bledi Çuçi shprehu gadishmërinë e mazhorancës për të marrë në shqyrtim dhe për të dëgjuar çdo propozim apo variant të shëndoshë që mund të vijë nga opozita dhe që që përputhet me axhenden e qeverisë.

?Ne kemi ftuar të gjithë nivelet, që nga niveli i ekspertëve deri në parlament. Mirëpresim çdo propozim nga opozita, ka akoma kohë që opozita të bëhet pjesë e procesit, pasi ne duam që ky proces të jetë gjithëpërfshirës, por gjithmonë duke pasur parasysh axhendën që ne tashmë e kemi bërë publike dhe tashmë është trasparente. Ne jemi të hapur ta diskutojmë dhe me opozitën. Deri tani nuk kemi marrë asnjë propozim nga opozita?, tha Çuçi.

Deklaratat u bënë gjatë një takimi që ministri për Çështjet Vendore pati me këshilltarët e majtë në pushtetin local. Në takim u theksua se vetëm 15% e Komunave dhe Bashkive i ushtrojnë siç duhet kompetencat dhe shërbimet ndaj qytetarëve, të tjerët jo.

Gjithashtu u evidentua se në shumë Komuna e Bashki, disa këshilltare e kanë bërë këshillin si pronë të tyre, pasi qëndojnë mbi 15 vjet të zgjedhur.

Kreu i këshillit bashkiak të Tiranës, Aldrin Dalipi, tha se vendi ka nevojë në mënyrë urgjente për reformën territoriale dhe në anën tjetër, të majtët e mbështesin këtë reformë.

I menjëhershëm ka qënë reagimi i Kryetarit të Shoqatës së Qarqeve, Tahsim Mema. Në komunikimin publik thuhet se qeveria duhet të reflektojë realisht dhe të dialogojë.

Mema sqaron se Ministri dhe anëtarët e komisionit Fino u ftuan dhe nuk morën pjesë në konferencën e organizuar dy ditë më parë.





Lajmet e fundit nga