web counter
LEXO PA REKLAMA!

SHKARKO APP

App Store
Google Play

E fundit!

x

Gert Bogdani, manipulon listën e delegatëve në Korçë

27 Qershor 2014, 11:22, Politikë CNA

Një skandal ka ndodhur dje, kur me një shkresë zyrtare është njoftuar dega e Partisë Demokratike në Korçë, për delegatët e forumit rinor të këtij qyteti. Në këtë shkresë të kreut pa mandat të këtij forumi, Gerti Bogdani, njoftohet lista e delegatëve të FRPD-së Korçë, për zgjedhjet në konferencën e degës. Lista përmban 20 emra të cilat janë vendosur në mënyrë të njeanëshme dhe manipulative nga kreu Bogdani. Këta emra nuk janë konsultuar dhe nuk janë zgjedhur nga strukturat e të rinjve demokratë të Korçës, por janë vendosur për të favorizuar kandidatin, Andrea Mano, i cili njihet edhe si njeriu në funksion të të cilit po kryhen manipulime në PD-në e Korçës.

Burime nga PD Korçe thanë për City FM, se lista që mban firmën e kreut pa mandat të FRPD-së, ka emra të cilat janë vendosur nga Bogdani, pa u konsultuar me strukturat e degës së FRPD-së Korçë. Mësohet se nuk ka pasur asnjë mbledhje apo takim të FRPD në këtë qytet, për listën e delegatëve që ju takon organizatave partnere, sipas statutit të PD. Minimumi duhej zhvilluar aktivi i degës së FRPD, për të votuar dhe miratuar listën e delegatëve, pas propozimeve që duhet të vinin nga strukturat e të rinjve në bazat e shkollës, universitetit dhe njësive administrative.

Nga ana tjeter, një mundësi tjetër do të ishte edhe zgjedhja e delegatëve me një mbledhje të kryesisë së degës. Kryesia e FRPD Korçë, ka rreth 18 muaj që është zgjedhur dhe këta njerës gëzojnë mandat të plotë përfaqësimi, por edhe kjo nuk ka ndodhur. Bogdani nuk ka çuar si delegatë kryesinë e FRPD, për më tepër ai ka hequr drejtuesit e të rinjve demokratë në Korçë si nënkryetarët, sekretarët etj, duke i zëvendësuar ata me të njohur personalë apo miq e vëllezër të shokëve të tij, theksuan burime nga FRPD Korçë për City FM.

Manipulimi i Gerti Bogdanit është skandali i radhës që bëhet në Korçë për emërimin në krye të PD-së të një njeriu të akuzuar publikisht për korrupsion, por dhe të një humbësi klasik të demokratëve korçarë.

Burime nga FRPD thanë për City FM, se Bogdani listën e ka përgatitur qëllimisht për të favorizuar njërin kandidat. Lista e emrave është bërë prej tij dhe pseudopërfaqësuesve të FRPD në Tiranë, të cilët marrin atributet e strukturave drejtuese.

Ja lista e kryesisë së FRPD-së Korçë:





Lajmet e fundit nga