LEXO PA REKLAMA!

SHKARKO APP

Gjyqtarja Afërdita Maho dha dorëheqjen pasi u njoh me rezultatet e vettingut/ Përjashtohet për 15 vjet nga sistemi

27 Nëntor 2023, 22:24, Vetingu CNA

Gjyqtarja Afërdita Maho dha dorëheqjen pasi u njoh me rezultatet e

Gjyqtarja e Gjykatës Administrative të Shkallës së Parë Tiranë, Afërdita Maho ka dhënë dorëheqjen nga detyra.

Dorëheqja e saj erdhi pasi u njoh me rezultatet e vettingut.

Gjatë procesit të vlerësimit, Inspektorati i Lartë i Deklarimit të Kontrollit të Pasurive dhe Konfliktit të Interesit, ILDKPKI nuk ka gjetur probleme me pasurinë e Mahos.

Edhe për pastërtinë e figurës nuk ka pasur gjetje negative nga Autoriteti Kombëtar për Sigurinë e Informacionit të Klasifikuar.

Komisioni i Pavarur i Kualifikimit deklaron se KLGJ ka dërguar një raport të hollësishëm, por nuk bën të ditura konstatimet e këtij institucioni.

KPK e ka përfunduar hetimin administrativ më 12 shtator të 2023-shit dhe në atë ditë kanë njoftuar Mahon për rezultatet e hetimit.

KPK i ka kërkuar gjyqtares të paraqesë sqarime deri më 26 nëntor 2023 dhe ajo ka kërkuar kohë shtesë. Por në datën kur duhet të dorëzonte parashtrimet, ajo ka njoftuar se ka dorëzuar në Këshillin e Lartë Gjyqësor kërkesën me shkrim për dorëheqjen nga funksioni i magjistratit.

KLGJ njoftoi më 1 nëntor se ka përfunduar statusi i magjistratit për Afërdita Mahon. Më 15 nëntorKPK vendosi të ndërpresë procesin e rivlerësimit kalimtar të gjyqtares dhe i ndaloi emërimin në funksione në sistemin e drejtësisë për 15 vjet./ CNA

Lajmet e fundit nga