LEXO PA REKLAMA!

SHKARKO APP

E fundit!

x

Gazetari bën deklaratën e fortë/ “Anëtarët e KPK-së dhe KPA-së marrin para për vetting”

21 Qershor 2023, 21:25, Vetingu CNA
Gazetari bën deklaratën e fortë/ “Anëtarët e
Foto ilustruese

Një deklaratë të fortë ka bërë mbrëmjen e sotme gazetari Denis Dyrnjaja, teksa foli për Reformën në Drejtësi.

Dyrnjaja tha në emisionin e Erla Mëhillit se ka informacione se anëtarët e KPK-së dhe KPA-së kanë marrë para për të kaluar në vetting gjyqtarë dhe prokurorë.

Ai deklaroi se në sistemin e drejtësisë po vazhdojnë të qëndrojnë persona që nuk e meritojnë dhe janë shkarkuar njerëz për banalitete të vogla.

Besoj që pak a shumë të gjithë mund ta kujtojnë sot atë Jacobs, përfaqësuesin e ONM-së që ishte aty dhe ishte më i serti dhe më i ashpri në repikat me gjyqtarët dhe prokurorët.

Më pas dalëgandalë erdhi duke u sfumuar dhe fuqia e ONM-së në reformë dhe sipas informacioneve që unë kam dhe vetë njerëzit që kanë bërë reformën, anëtarët e KPK-së dhe KPA-së kanë marrë para. Ata kanë marrë në këmbim të kalimit të shumë njerëzve që nuk e meritonin ta kalonin vettingun. ‘Sita’ e vettingut është çarë dhe reforma ka dështuar. Unë e kam të vështirë t’iu sjell në këto momente emra, por reforma ka kaluar plot nga njerëzit që nuk e kanë merituar të kalojnë dhe ka djegur njerëz të cilët janë kapur për banalitete të vogla, pasi ligji ishte bërë aq i fortë sa mund të kapesh dhe për një filxhan të pajustifikuar.

Ndërkohë kanë kaluar gjëra trashanike dhe të mëdhaja, kjo do të thotë që ka pasur korrupsion dhe thjesht është rritur çmimi për të marrë mandatin e një prokurori apo gjyqtari të certifikuar. Kjo ka kompromentuar rëndë Reformën në Drejtësi”, theksoi gazetari./ CNA.al

Lajmet e fundit nga