LEXO PA REKLAMA!

SHKARKO APP

App Store
Google Play

Vettingu “pret një tjetër kokë”/ Ngec në “sitë” gjyqtari që lejoi ekstradimin e “financierit” të Habilajve

2 Mars 2023, 16:37, Vetingu CNA

Vettingu “pret një tjetër kokë”/ Ngec në

Një tjetër gjyqtar ka ngecur në “sitën” e vettingut. Gjatë seancës së sotme, Kolegji i Posaçëm i Apelimit ka shkarkuar nga detyra gjyqtarin Kastriot Gramshi.

KPA mbështeti pretendimet e ngritura në ankimin e Komisionerit Publik, dhe arriti në përfundimin se Gramshi kishte bërë deklarim të pamjaftueshëm dhe të pasaktë të pasurisë.

Trupa u kryesua nga Albana Shtylla, me relatore Rezarta Schuetz dhe anëtare Ina Rama, Sokol Çomo dhe Mimoza Tasi.

Gjyqtari u konfirmua në detyrë më 25 mars 2022. Kastriot Gramshi ka filluar punë në sistemin e drejtësisë në vitin 1999 si gjyqtar, por u shkëput në vitin 2004 për arsye emigrimi në Amerikë dhe u rikthye sërish në vitin 2014.

Emri i gjyqtarit Gramshi, është lakuar në vitin 2018, pasi lejoi ekstradimin në Itali të Nazer Seitit që ndryshet njihet si “financier” i Habilajve.

Madje në 2018-ën, Këshilli i Lartë i Drejtësisë, njoftoi se kishte nisur hetim disiplinor dhe po verifikonte veprimtarinë e gjyqtarit Kastriot Gramshi në lidhje me vendimin për lejimin e ekstradimit të Nazer Seitit.

Ndërkohë, prej tetë vitesh ai punonte pranë Gjykatës së Rrethit Tiranë./ CNA.al

Lajmet e fundit nga