LEXO PA REKLAMA!

SHKARKO APP

Siguria në rrjetet sociale/ "Snapchat" prezanton opsionin e ri

10 Gusht 2022, 16:15, Tech CNA
Siguria në rrjetet sociale/ "Snapchat" prezanton opsionin e ri
Foto ilustruese

"Snapchat" ka prezantuar qendrën e parë të kontrollit prindëror, gati 10 muaj pasi një ekzekutiv nga kompania tha se po zhvillonte mjete që synonin të ndihmonin prindërit t'i mbanin fëmijët e tyre adoleshentë të sigurt.

Mjeti i ri, i quajtur Family Center, premton t'u japë prindërve më shumë njohuri se me kë po komunikojnë fëmijët e tyre në aplikacionin e mesazheve, pa zbuluar përmbajtjen e atyre bisedave. Prindërit duhet të krijojnë llogarinë e tyre "Snapchat" dhe fëmijët duhet të zgjedhin dhe të japin leje që ata të përdorin funksionin.

"Qendra Familjare është krijuar për të pasqyruar mënyrën se si prindërit angazhohen me fëmijët e tyre në botën reale, ku prindërit zakonisht e dinë se me kë janë miq fëmijët e tyre dhe me kë janë duke u shoqëruar, por mos i përgjojnë bisedat e tyre private," thotë kompania.

Disa aplikacione kanë prezantuar opsione të reja muajt e fundit për të forcuar kontrollet prindërore dhe mbrojtjen për përdoruesit më të rinj. "Instagram", për shembull, lançoi mjete që u ofrojnë prindërve shikueshmëri në llogaritë që ndjekin fëmijët e tyre dhe sa kohë shpenzojnë në aplikacione./ CNA.al

Lajmet e fundit nga