web counter
LEXO PA REKLAMA!

SHKARKO APP

App Store
Google Play

E fundit!

x

Në sfidë ndaj Tesla-s/ Prodhuesit e automjeteve lançojnë rrjetin e karikimit të automjeteve elektrike

26 Korrik 2023, 22:52, Tech CNA

Në sfidë ndaj Tesla-s/ Prodhuesit e automjeteve lançojnë

Një grup prodhuesish të mëdhenj të automjeteve thanë të mërkurën se po formonin një kompani të re për të ofruar karikimin e automjeteve elektrike në Shtetet e Bashkuara, në një sfidë ndaj Tesla-s dhe një përpjekje për të përfituar nga subvencionet e administratës Biden, raporton Reuters.

Prodhuesit globalë të automjeteve BMW, General Motors, Honda, Hyundai, Kia, Mercedes-Benz dhe Stellantis NV njoftuan sipërmarrjen e përbashkët të mërkurën, duke thënë se parashikohet të ketë të paktën 30,000 priza karikimi me fuqi të lartë në zonat urbane dhe përgjatë autostradave.

Departamenti Amerikan i Energjisë vlerëson se rreth 36,000 priza karikimi janë aktualisht në dispozicion në SHBA dhe Kanada në rreth 9,000 stacione të karikimit të shpejtë me rrymë direkte.

Rrjeti i Tesla-s ka numrin më të madh të karikuesve të shpejtë në Amerikën e Veriut, me 2050 stacione dhe më shumë se 22,000 priza, sipas qeverisë federale.

Grupi i prodhuesve të mëdhenj të automjeteve tha se synon të përdorë vetëm energjinë e rinovueshme në stacionet e reja, të cilat do të jenë të disponueshme për të gjitha automjetet elektrike me bateri./CNA.al





Lajmet e fundit nga