E fundit!

16:58 Aktualitet

Akuzat e Ballës për vilën/ Reagon Shehaj: E ka dërguar Rama

Kreu i Partisë “Mundësia”, Agron Shehaj ka reaguar pas aku...

ZYRTARE/ Largohet Fonseca, Milani zgjedh trajnerin e ri

30 Dhjetor 2024, 01:43, Sport CNA

Klubi i Milanit ka vendosur të shkarkojë trajnerin Paulo Fonseca pas një faze të parë zhgënjyese në kampionat. Paraqitjet larh pritshmërive dhe vemdi i tetë në renditje me vetëm 27 pikë, plot 14 pikë larg kreut, kanë detyruar drejtuesit e klubit të marrin këtë vendim drastik. Fonseca, i cili mori drejtimin e ekipit gjatë verës, nuk arriti të bindë as tifozët dhe as drejtuesit, duke e lënë Milanin në një situatë të vështirë për objektivat e sezonit.

Megjithatë, klubi kuqezi nuk ka humbur kohë për të gjetur një pasues të ri. Drejtimi i skuadrës do t’i besohet një tjetër trajneri portugez: Sérgio Conceição. Trajneri 50-vjeçar ka pranuar ofertën e Milanit dhe do të marrë drejtimin e ekipit me një kontratë që do të zgjasë deri në qershor 2026. Në ditët e ardhshme, Conceição dhe agjenti i tij, Jorge Mendes, do të udhëtojnë drejt Italisë për të zyrtarizuar marrëveshjen dhe për të nisur punën me skuadrën.

Conceição vjen pas një periudhe të gjatë dhe të suksesshme në stolin e Portos, ku drejtoi për shtatë vite, duke fituar disa tituj në Portugali dhe duke shënuar paraqitje dinjitoze në kompeticionet evropiane. Përpara kësaj, ai ka drejtuar skuadra si Nantes në Francë dhe Braga në Portugali, duke ndërtuar një reputacion si një trajner ambicioz dhe i aftë.

Emërimi i tij shihet si një lëvizje strategjike nga drejtuesit e Milanit, të cilët synojnë t’i japin ekipit një identitet të ri dhe një frymë të re gare. Conceição njihet për stilin e tij të fortë taktik, pasionin në fushë dhe aftësinë për të nxjerrë maksimumin nga lojtarët e tij, cilësi këto që drejtuesit e Milanit shpresojnë të shohin te skuadra e tyre.

Ky emërim përfaqëson një kapitull të ri për Milanin, i cili është ende në garë për objektivat sezonalë, si në kampionat ashtu edhe në kompeticionet evropiane. Tifozët kuqezi presin që Conceição të sjellë stabilitet dhe rezultate pozitive, ndërsa trajneri i ri ka një sfidë të madhe përpara: ta rikthejë Milanin në majat e futbollit italian dhe evropian.