web counter
LEXO PA REKLAMA!

SHKARKO APP

App Store
Google Play

Juventusit i rikthehet barazimeve, Fiorentina e ndëshkon në fund

29 Dhjetor 2024, 20:37, Sport CNA

Juventusit i rikthehet barazimeve, Fiorentina e ndëshkon në fund

Juventusi i është rikthyer barazimeve. Bardhezinjët konfirmuan edhe njëherë tjetër oshilacionet e shfaqura këtë sezon.

“Zonja e Vjetër” nuk shkoi më shumë se barazimi 2-2 në shtëpi ndaj Fiorentinës. Në një sfidë ku Thuram shkëlqeu me dopietë, skuadra e Thiago Mottas nuk ia doli dot të marrë pikët e plota.

Thuram zhbllokoi rezultatin në minutën e 20-të, pas një asisti të marrë nga Locatelli. Megjithatë pjesa e parë u mbyll 1-1, pas Ken shënoi për Fiorentinën, duke ndëshkuar ish-skuadrën e tij.

Fraksioni i dytë i lojës nisi me torinezët në sulm dhe ishte sërish Turam, që riktheu avantazhin e vendasve.

Francezi përfitoi nga një top i mbetur në zonë dhe i vetëm me portierin De Gea nuk gaboi, duke shënuar të dytin për Juventusin.

Kur fitorja dukej shumë afër, erdhi dhe goli që vulosi takimin. Në minutën e 87-të, ishte Sotil i cili barazoi shifrat në 2-2, me rezultatin që nuk ndryshoi deri në fund, pavarësosht tentativave nga të dyja ekipet.

Ky barazim, e mban Fiorentinën në vendin e pestë me 32 pikë, po aq sa edhe Juventusi i vendit të gjashtë.

Baredhezinjtë konfirmojnë momentin e vështirë me të cilin po përballen, ndërsa duket se janë abonuar me barazimit. Ai ndaj Fiorentinës ishte i 11-ti për Juventusin, që ende nuk njeh humbje.

Sfida e radhës për “Zonjën e Vjetër” në kampionat do të jetë e veçantë, pasi përballen në derbi me Torinon.

Megjithatë fokusi për momentin do të jetë te Superkupa e Italisë, me ndeshjet që do të luhen në Arabinë Saudite.





Lajmet e fundit nga