web counter
LEXO PA REKLAMA!

SHKARKO APP

App Store
Google Play

E fundit!

x

Sulmuesi u stërvit i diferencuar, situata te Shqipëria para Spanjës

22 Qershor 2024, 12:40, Sport CNA

Sulmuesi u stërvit i diferencuar, situata te Shqipëria para

Të hënën e 24 qershorit, Shqipëria luan ndeshjen vendimtare të Europianit, ndaj Spanjës.

Kuqezinjtë duan me çdo kusht fitoren, për të synuar kualifikim për në fazën e 1/16-ve. Megjithatë, do të jetë shumë e vështirë për Kombëtaren shqiptare, duke parë kundërshtarin që është përballë.

Pavarësisht se trajneri De La Fuente, ka deklaruar se ndaj Shqipërisë do të luajë me lojtarët e stolit, përsëri do të jetë shumë e vështirë, duke ditur se rezerva tek iberikët, janë emra si Olmo, Torres, Grimaldo apo edhe Nacho.

Për fatin e mirë, mësohet se te Shqipëria nuk ka asnjë dëmtim dhe të gjithë lojtarët janë të gatshëm për këtë ndeshje.

Rei Manaj mungoi në stërvitjen e së premtes, por nuk bëhet fjalë për ndonjë shqetësim serioz. Lojtari kishte nevojë për pushim, pasi harxhoi shumë energji ndaj Kroacisë. Në përgatitjet e së shtunës, sulmuesi u stërvit rregullisht me grupin, duke qenë i gatshëm për trajnerin Silvinjo.

Stërvitja e fundit e Kombëtares do të zhvillohet po në kampion bazë, në Kaizerau. Të dielën, rreth orës 18:00 kuqezinjtë do të udhëtojnë në Dyseldorf për t’u sistemuar dhe për t’u bërë gati për ndeshjen. Ky është edhe ndryshimi i vetëm në raport me ndeshjet e kaluara pasi UEFA nuk e lejon më që skuadrat të stërviten në tapetin e stadiumit ku do të luhet sfida.

Momentalisht, Spanja kryeson grupin me 6 pikë dhe ka siguruar kalimin më tej, ndërsa ndjek Italia me 3 pikë, Shqipëria e treta me 1 pikë dhe Kroacia e fundit, po me 1 pikë.

Ndeshja Shqipëri-Spanjë, është planifikuar të luhet më 24 qershor, në orën 21:00, paralelisht edhe me ndeshjen tjetër të grupit, atë ndaj Italisë dhe Kroacisë.  





Lajmet e fundit nga