web counter
LEXO PA REKLAMA!

SHKARKO APP

App Store
Google Play

Llogaritë e grupit, ja si kualifikohet Shqipëria

21 Qershor 2024, 10:42, Sport CNA

Llogaritë e grupit, ja si kualifikohet Shqipëria

Spanja triumfoi minimalisht ndaj Italisë, në ndeshjen e dytë të Europianit. Kjo përballje ka dhënë një ide më të qartë për situatën në Grupin B, aty ku bën pjesë edhe Shqipëria.

Kuqezinjtë ëndërrojnë kalimin e grupit, por për ta arritur këtë, duhet fitore në ndeshjen e fundit, atë ndaj Spanjës.

Iberikët mbajnë vendin e parë me 6 pikë dhe kanë siguruar zyrtarisht kalimin për më tej.

Sipas llogarive, Kombëtarja shqiptare, që mban vendin e tretë me 1 pikë, mund të kualifikohet për në fazën e 1/16-ve, nëse mposht "furinë e kuqe" dhe paralelisht, Italia të humbasë ndaj Kroacisë me rezultat të ngushtë.

Në këtë moment, Shqipëria e ka golavarazhin -1, ndërsa Kroacia -3. Ky do të ishte skenari për të kaluar si të dytët, por kuqezinjtë kanë shpresë edhe nëpërmjet vendit të tretë.

Një sukses ndaj Spanjës, do ta dërgonte ekipin kuqezi në kuotën e 4 pikëve dhe pavarësisht se çfarë ndodh në ndeshjen tjetër, vendi i tretë do të ishte i siguruar.

Gjasat në këtë rast do të ishin të mëdha, që Shqipëria të kualifikohet më tej, si një nga vendet e treta më të mira.

Gjithçka në lidhje me skenarët e kualifikimit do të qartësohet të hënën e 24 qershorit, ku është planifikuar të luhet ndeshja mes Shqipërisë dhe Spanjës.





Lajmet e fundit nga