web counter
LEXO PA REKLAMA!

SHKARKO APP

App Store
Google Play

Pjesë e Shqipërisë në Europian, Napoli tenton mesfushorin kuqezi

20 Qershor 2024, 11:48, Sport CNA

Pjesë e Shqipërisë në Europian, Napoli tenton mesfushorin

Ylber Ramadani mund të nisë një aventurë të re pas Europianit. Mesfushori është titullar i padiskutueshëm i Shqipërisë në "Euro 2024", ku deri tani ka luajtur në dy ndeshjet, ndaj Italisë dhe Kroacisë.

Lojtari mbylli një sezon shumë të mirë në Serinë A, aty ku është pjesë e Lecce-s dhe i mahniti të gjithë, duke u kthyer në një pikë kyçe për skuadrën.

Sipas asaj që raportojnë mediat nga Italia, Ramadani mund të transferohet te skuadra e Napolit.

Klubi i kaltër ka shfaqur interes serioz për të marrë shërbimet e futbollistit të Shqipërisë. 28-vjeçari shihet si një lojtar i rëndësishëm për lojën që bën trajneri Antonio Conte dhe për këtë arsye duan ta afrojnë në skuadër.

Napoli pritet të bëjë një ofertë për shqiptarin dhe arritja e një marrëveshjeje nuk do të ishte e vështirë. Te Napoli, Ramadani do të gjente edhe një tjetër shqiptar, si Amir Rrahmani, që është kthyer në lider për prapavijën.

Lecce së fundmi zyrtarizoi afrimin e Pierret, një mesfushor që mund t’i zërë vendin mesfushorit kuqezi.

Kalimi te Napoli do të ishte një hap i rëndësishëm për futbollistin, që vazhdon të ngjisë shkallët në karrierë. Ramadani u transferua në Itali një vit më parë nga skocezët e Aberdeen dhe arriti të përshtatet shumë mirë.

Mesfushori e ka nisur karrierën e tij në Kosovë, te Ferizaj, për të kaluar më pas te Prishtina dhe Drita. Ai luajti me Partizanin në Superiore, para se të kalonte në Danimarkë te Velje dhe më pas te MTK Budapest në Hungari.





Lajmet e fundit nga