web counter
LEXO PA REKLAMA!

SHKARKO APP

App Store
Google Play

Tmerr për ish-sulmuesin Roberto Baggio/ Grabitësit i futen në shtëpi, e godasin me pistoletë dhe e mbajnë peng

21 Qershor 2024, 10:41, Sport CNA

Tmerr për ish-sulmuesin Roberto Baggio/ Grabitësit i futen në

Ish-futbollisti italian, Roberto Baggio, ka kaluar orë tmerri, gjatë kohës që kombëtarja e tij po luante ndaj Spanjës, në ndeshjen e vlefshme për "Euro 2024".

Pesë persona të armatosur dhe me maska u futën në shtëpinë e legjendës italiane, për të grabitur, aty ku prezentë ishin edhe familjarët e tij. Gjatë kohës kur grabitësit po futeshin në shtëpi, 57-vjeçari tentoi përleshjen me ta, por e kishte të humbur si betejë, për shkak të numrit të lartë të personave të maskuar.

Autorët goditën Baggio-n me pjesën e pasme të pistoletës në kokë, duke i shkaktuar dëmtime. Pas kësaj, ish-sulmuesi u mbajt peng dhe i lidhur, për rreth një orë në një dhomë tjetër, së bashku me familjarët.

Gjatë grabitjes, autorët morën para, ora dhe bizhuteri të ndryshme. Pas largimit të autorëve nga shtëpia e tij, ish-fituesi i "Topit të Artë", ia doli të lirohet dhe shpërtheu derën e dhomës ku mbahej, për të njoftuar më pas policinë.

Karabinierët ndërhynë menjëherë pas njoftimit të marrë nga Baggio dhe Prokuroria ka nisur një hetim, duke sekuestruar të gjitha pamjet video nga shtëpia e ish-lojtarit.

Sakaq, Baggio u transportua me urgjencë në spital, për të marrë ndihmën mjekësore, pas goditjes që mori në ballë me pjesën e pasme të armës.





Lajmet e fundit nga