web counter
LEXO PA REKLAMA!

SHKARKO APP

App Store
Google Play

Gjyqtari i gafave vendos drejtësi në Shqipëri-Spanjë

22 Qershor 2024, 12:02, Sport CNA

Gjyqtari i gafave vendos drejtësi në Shqipëri-Spanjë

Shqipëria luan një ndeshje shumë të rëndësishme të hënën e 24 qershorit, atë ndaj Spanjës.

Sfida merr rëndësi të veçantë, pasi do të përcaktojë skuadrat që kalojnë grupin. Pas Spanjës, që ka siguruar kualifikimin, në garë janë Shqipëria, Kroacia dhe Italia.

Këtë të shtunë, UEFA, zbuloi edhe arbitrat që do të vendosin drejtësi në përballjen mes kombëtares shqiptare dhe asaj iberike.

Do të jete një treshe arbitrash suedezë për këtë takim, ku kryesor është zgjedhur Glenn Nyberg. 35-vjeçari u bë shumë i njohur në sezonin e fundit, për gafat e tij në ndeshjen e parë çerekfinale të Ligës së Kampioneve, mes Arsenalit dhe Bajernit të Mynihut.

Suedezi, ishte protagonist, duke i mohuar nga një penallti secilës skuadër. Fillimisht, ai gaboi në minutën e 66-të, duke mos parë një prekje me dorë në zonën e Arsenalit, ndërsa në fund të takimit, nuk akordoi penallti një faull të Nojerit ndaj Saka.

Pak ndeshjes, akuzat për arbitrin ishin të mëdha, por UEFA, ka zgjedhur t’i japë një tjetër shans, në një ndeshje të rëndësishme, siç është ajo mes Spanjës dhe Shqipërisë.

Asistentë të Nyberg, do të jenë dy bashkëkombësit e tij, Beigi dhe Söderqvist. Arbitër i katërt është zgjedhur ukrainasi Mykola Bakalin, ndërsa në VAR, është gjermani Christian Dingert.

Ndeshja mes Shqipërisë dhe Spanjës, është planifikuar të luhet të hënën e 24 qershorit, në orën 21:00, në stadiumin e Duseldorfit.





Lajmet e fundit nga