web counter
LEXO PA REKLAMA!

SHKARKO APP

App Store
Google Play

E fundit!

x

Mitaj drejt Serisë A, klubi rus i vendos çmimin

22 Qershor 2024, 12:34, Sport CNA

Mitaj drejt Serisë A, klubi rus i vendos çmimin

Mario Mitaj, ka qenë një nga lojtarët më të spikatur te Shqipërisë, nën drejtimin e trajnerit Silvinjo. Mbrojtësi i majtë i mahniti të gjithë në kualifikuese, ndërsa të njëjtën gjë po bën edhe në këtë Europian, përballë kombëtareve të mëdha.

Futbollisti 20-vjeçar, pritet të ndryshojë skuadër në këtë merkato, ndërsa do të largohet nga rusët e Lokomotivës së Moskës, pjesë e të cilëve është prej dy vitesh.

Interesimet për Mitajn janë të shumta, kryesisht nga Seria A. Tre klube të mëdha, janë vënë në gjurmët e talentit shqiptar. Bëhet fjalë për Juventusin dhe Bolonjën, që sezonin e ri do të luajnë në Champions, por edhe për Lacion, që gjithashtu e pëlqen shumë.

Duke parë interesimet, te Lokomotiva, i kanë vendosur edhe çmimin mbrojtësit. Klubet që duan shërbimet e Mitajt, duhet të paguajnë të paktën 10 milionë euro në arkat e klubit rus.

Shifër kjo që sigurisht nuk pritet të jetë problem për skuadrat italiane dhe gjatë kësaj merkatoje mbetet të shihet se ku do të jetë e ardhmja e shqiptarit.

Drejtuesit nga Moska, nuk do të pranojnë asnjë ofertë poshtë shifrës së sipërpërmendur, duke ditur që me lojtarin kanë edhe 3 vite të tjera kontratë.

Pavarësisht gjithçkaje, një gjë është e sigurtë, se e ardhmja e Mitajt do të jetë e ndritur dhe se 20-vjeçari do të jetë një lider i padiksutueshëm kudo, pasi luan si një veteran. 





Lajmet e fundit nga