web counter
LEXO PA REKLAMA!

SHKARKO APP

App Store
Google Play

E fundit!

x

Tirana, gati të afrojë në ekip Vasil Shkurtajn

4 Gusht 2022, 08:25, Sport CNA

Tirana po bisedon me Vasil Shkurtajn, ndërsa ka në plan të prishë me konsensus kontratën me Devid de Silvën.

Keto janë të rejat më të fundit të merkatos së bardhebluve. 26 herë kampionët e Shqipërisë duan të bëjnë një rokadë të madhe në sulm. Të largojnë De Silvën me mirëkuptim dhe ta zëvendësojnë me Shkurtajn.

Burimet pohojnë se te Tirana kanë hyrë në tratativa edhe me Vasil Shkurtajn. Ish-sulmuesi i Kukësit mbylli kontratën me verilindorët me shpresën për të vijuar karrierën jashtë vendit, por mund të bëjë një prapakthehu dhe të luajë sërish në Shqipëri.

E vetmja skuadër për momentin që mund të mbulojë edhe rrogën e shtatlartit të sulmit, duket se është Tirana. Për më tepër, 30-vjeçari shihet si lojtari ideal për të zëvendësuar largimin e Majkëll Ngosë dhe Devid de Silvës, i cili la një boshllëk jo të vogël në majën e sulmit.

Gjithsesi, mbetet për t’u parë se si do të shkojnë bisedimet, sepse dëshira e Shkurtajt është e madhe, ndërsa mundësia më e madhe është që të veshë fanellën bardheblu.

Sezonin e fundit Shkurtaj luajti 9 takime dhe shënoi një gol me fanellën e Kukësit.





Lajmet e fundit nga