web counter
LEXO PA REKLAMA!

SHKARKO APP

App Store
Google Play

Sinner: Alcaraz ka diçka më shumë se unë, nuk e di nëse do e arrij ndonjëherë

27 Tetor 2024, 16:41, Sport CNA
Sinner: Alcaraz ka diçka më shumë se unë, nuk e di
Jannik Sinner

Numri një i tenisit botëror, Jannik Sinner ka folur me fjalë të mira për rivalin e tij Carlos Alcaraz në një intervistë për mediat spanolle.

I pyetur për diferencat mes tyre, italiani theksoi se spanjolli ka diçka më shumë, teksa shtoi se është më i fortë.

"Ne jemi dy lojtarë shumë të ndryshëm. Unë e mbaj ritmin shumë të lartë, jam i fortë mendërisht. Ai është fizikisht i fortë dhe në aspektin e tenisit, për momentin ai ka diçka më shumë. Por për mua është një fakt pozitiv,  do të thotë se kam kufij”-tha fillimisht ai.

Më tej, Sinner shtoi se pavarësisht cilësive të Alcaraz, ai vetë është më i plotë si tenist.

"Nuk e di nëse do të jem ndonjëherë si Carlos, por si tenist jam më solid dhe kur është e nevojshme, ia dal”-shtoi 23-vjeçari.

Në fund, italiani foli për sukseset e tij, duke theksuar se nuk e kanë ndryshuar si njeri dhe që vazhdon të punojë po me të njëjtin dedikim.

"Suksesi, nuk më ka ndryshuar, unë jam ende i njëjti. Nuk eci me kokën lart nëse fitoj, nuk dëshpërohem nëse humbas. Nuk më pëlqen të jem në qendër të vëmendjes. Ata që kam afër e dinë se sa kohë i kushtoj tenisit. Unë kujdesem për ata që kam afër, për familjen time, pjesa tjetër nuk më intereson”-përfundoi Jannik Sinner, në rrëfimin e bërë si rrallëherë për mediet./CNA





Lajmet e fundit nga