web counter
LEXO PA REKLAMA!

SHKARKO APP

App Store
Google Play

Renditja dhe kalendari/ Si paraqitet situata në Kategorinë Superiore?

27 Tetor 2024, 12:44, Sport CNA
Renditja dhe kalendari/ Si paraqitet situata në Kategorinë Superiore?
Kategoria Superiore, Burimi: FSHF

Java e 10-të e Kategorisë Superiore u zhvillua në dy ditë mes të premtes dhe të shtunës.

Pesë takimet që çelën fazën e dytë ishin Bylis-Teuta, Egnatia-Dinamo, që u luajtën të premten, teksa të shtunën u zhvilluan sfidat Elbasani-Skënderbeu, Tirana-Laçi dhe Vllaznia-Partizani.

Bylisi fitoi me “poker” ndaj Teutës, me ndeshjen e luajtur në Ballsh që u mbyll me rezultatin 4-0.

Ndërsa, katër sfidat e tjera u mbyllën në paqe, Egnatia-Dinamo, Elbasani-Skënderbeu dhe Tirana-Laçi u ndanë me barazimet 1-1, teksa Vllaznia-Partizani përfundoi me barazimin 2-2.

Nëse do të shohim renditjen pas nisjes së fazës së dytë, në krye pozicionohet Partizani me 17 pikë, më pas në vendin e dytë dhe të tretë qëndrojnë Egnatia dhe Dinamo me nga 16 pikë.

Elbasani dhe Vllaznia pozicionohen në vendin e katërt dhe të pestë me nga 15 pikë, në vend të gjashtë qëndron Teuta me 14 pikë.

Tirana renditet në vend të shtatë me 11 pikë, po aq sa Skënderbeu i vendit të tetë.

Sa u përket dy vendeve të fundit të renditjes, Bylis është i nënti me tetë pikë, teksa Laçi në vend të dhjetë me shtatë pikë.

Renditja dhe kalendari/ Si paraqitet situata në Kategorinë Superiore?
Renditja Superiore

Po të shohim kalendarin, java e 11-të do të zhvillohet po ashtu në dy ditë, në datat 30 dhe 31 tetor, të mërkurën dhe të enjten.

Ditën e mërkurë janë planifikuar që të luhen tre takime, në orën 14:00 do të luhet Laçi-Egnatia, teksa në orën 17:00 janë planifikuar sfidat Tirana-Vllaznia dhe Skënderbeu-Partizani.

Ndërkohë, ditën e enjte në orën 17:00 janë planifikuar të luhen Dinamo-Bylis dhe Teuta-Elbasani./CNA

Renditja dhe kalendari/ Si paraqitet situata në Kategorinë Superiore?
Kalendari, Burimi: FSHF

 





Lajmet e fundit nga