web counter
LEXO PA REKLAMA!

SHKARKO APP

App Store
Google Play

E fundit!

x

Autogol në “frymën e fundit”, Laçi shtang Tiranën

26 Tetor 2024, 18:59, Sport CNA

Autogol në “frymën e fundit”, Laçi shtang

Tirana ka harruar si fitohet. Bardheblutë regjistruan barazimin e radhës në kampionat, këtë herë ndaj Laçit, me rezultatin 1-1.

Në fakt, të besuarit e Bledi Shkëmbit, ishin vetëm pak sekonda larg fitores, por një autogol, katranosi gjithçka.

Në stadiumin e Korçës, Tirana ishte më kërkuese nga fillimi dhe shkëndijën e parë e dha Haxhiu, i cili provoi me një gjuajtje të fortë, por topi u devijua në goditje këndi.

Laçi u kundërpërgjigj me Kofin, gjuajtja e të cilit shkoi në duart e portierit Gentian Selmani.

Pas fillimit, ndeshja ishte e qetë me raste të pakta deri në minutën e 40-të. Zharmuni, pas një pasimi të marrë nga Haxhiu, ia doli të shënojë për Tiranën, duke i dhënë avantazhin skuadrës së Shkëmbit.

Pjesa e parë u mbyll me këtë rezultat, ndërsa fraksioni i dytë nisi me një tjetër mundësi të mirë të Tiranës. Haxhiu provoi me një gjuajtje të fortë nga goditja e dënimit, por Dajsinani e grushtoi në goditje këndi.

Në minutën e 78-të, Kurti iu afrua golit të barazimit, por gjuajtja e tij me kokë, shkoi ngjitur me shtyllën. Kur pritej fitorja e Tiranës, erdhi edhe barazimi.

Pas një goditje këndi, Kurti kthen topin në zonë me kokë, aty ku Zharmuni e devijon dhe e dërgon në portën e tij.

Rezultati nuk ndryshoi, me dy ekipet që ndanë nga një pikë. Ky është barazimi i tetë për Tiranën në 10 ndeshje dhe mban vendin e shtatë me 11 pikë, ndërsa Laçi mbetet në fund të renditjes me 7 pikë të grumbulluara.





Lajmet e fundit nga