E fundit!

11:42 Aktualitet

Nis spërkatja e kulturave të misrit në Maliq, trajtohen rreth 100 hektarë

Ka nisur procesi i spërkatjes së kulturave të misrit në Ba...

Katër gola të shënuar, Vllaznia-Partizani nuk prodhon fitues. Si ndryshon renditja

26 Tetor 2024, 21:25, Sport CNA

Katër gola të shënuar, Vllaznia-Partizani nuk prodhon fitues. Si

Nuk prodhoi fitues sfida mes Vllaznisë dhe Partizanit, e vlefshme për javën e 10-të në Superiore.

Dy pretendentët barazuan 2-2 mes tyre, në “Loro Boricci”. Një rezultat që i shkon përshtat Partizanit, pasi merr kreun e renditjes me 17 pikë dhe lë pas Egnatian dhe Dinamon me nga 16 pikë dhe Elbasanin e Vllazninë me nga 15 pikë.

Ndeshja nisi e bukur dhe me ritëm nga të dyja ekipet. Baraspesha zgjati pak, pasi në minutën e 15-të, Partizani kaloi në avantazh. Pas një goditje nga këndi, Preka provoi me kokë dhe goditi shtyllën, Mba i vetëm para portës shtyu topin në rrjetë mes protestave të kuqebluve që kërkonin faull ndaj portierit. VAR-i e konsideroi golin e rregullt, duke i dhënë fund të gjitha dyshimeve.

Partizani e ruajti avantazhin deri në minutën e 42-të, kur Vllaznia riktheu baraspeshën. Stojanoviç, kërceu mbi të gjithë pas një krosimi në zonë dhe ia doli të shënojë me kokë.

Pjesa e parë u mbyll me këtë barazim, ndërsa e dyta nisi me gol për vendasit. Në minutën e 51-të, ishte Esat Mala, i cili i futur nga stoli, ia doli të shënojë, për të përmbysur rezultatin.

Me avantazhin në krahun e tyre, shkodranët nuk i ndalën sulmet për asnjë moment, duke iu afruar edhe golit të tretë. Qirko ishte vendimtar në minutën e 65-të, duke ndalur një gjuajtje me kokë të Dodajt. 3 minuta Balaj, shënoi golin e tretë, por u anulua për pozicion jashtë loje gjatë aksionit.

Qarri u kthye në protagonist në minutën e 73-të, pasi me një superpritje i mohoi golin e barazimit Partizanit.

Kryeqytetasit rrezikuan autogolin në minutën e 81-të, pas një devijimi me kokë të Prekës. Miqtë nuk u dorëzuan dhe ia dolën të barazojnë shifrat në minutën e 92-të. Ishte sërish Mba, që shënoi me kokë, duke i dhënë 1 pikë skuadrës së tij.

Për Vllazninë, kjo është ndeshja e katërt pa fitore dhe zbret në vendin e pestë me 15 pikë të grumbulluara.

Katër gola të shënuar, Vllaznia-Partizani nuk prodhon fitues. Si