web counter
LEXO PA REKLAMA!

SHKARKO APP

App Store
Google Play

Derbi shqiptar i Maqedonisë së Veriut, Shkëndija-Struga ndahen në “paqe”

27 Tetor 2024, 15:51, Sport CNA
Derbi shqiptar i Maqedonisë së Veriut, Shkëndija-Struga ndahen
Shkëndija

Shkëndija-Struga u ndanë me barazimin 1-1 në takimin e javës së 11-të të kampionatit të Maqedonisë së Veriut.

Derbi i shqiptarëve rezultoi shumë i luftuar, ndërsa u zhbllokua në minutën e 31’. Ibraimi shënoi nga pika e bardhë e penalltisë dhe kaloi Shkëndijën në avantazh.

Megjithatë, Kehinde barazoi për Strugën në minutën e 73’ dhe bëri që ekipi i tij të dilte me një pikë nga ky raund.

Pas këtij takimi, Shkëndija renditet në vend të dytë me 20 pikë, teksa Struga renditet në vend të gjashtë me 16 pikë.

Ndërkohë Gostivari fitoi me rezultatin 4-1 ndaj Brera Strumica, me skuadrën shqiptare që fitoi falë golave të Aydogan në minutën e 42’, Aldair në minutën e 45’, Ivanovski në minutën e 47’ dhe Simonovski në minutën e 89’.

Pas kësaj jave Gostivari renditet në vend të katërt me 20 pikë, teksa Brera Strumica renditet në vend të nëntë me 12 pikë.

Shkupi fitoi 3-1 ndaj Tikves, me golat që për skuadrën shqiptare i realizuan Kadriu në minutën e 5’ dhe të 66’ dhe Avornyo në minutën e 31’.

Pas kësaj jave Shkupi renditet në vend të pestë me 16 pikë, teksa Tikves në vendin e 10-të me tetë pikë.

Teksa Besa u mund me rezultatin 2-0 në transfertën e Sileks dhe pas këtij raundi renditet në vend të shtatë me 12 pikë./CNA





Lajmet e fundit nga