web counter
LEXO PA REKLAMA!

SHKARKO APP

App Store
Google Play

E fundit!

x

Da Silva në modë, për brazilianin futet në garë edhe Tirana

18 Korrik 2022, 09:03, Sport CNA

Tirana vazhdon me merkaton. Ditët e fundit ka dalë në skenë emri i Viktor da Silvës. Duket se sulmuesi i Vllaznisë që deri para pak javësh pëlqehej nga Partizani, është larguar nga të kuqtë. Emri i brazilianit ka dalë te Tirana për një firmë me bardheblutë.

Në fakt, javë më parë ka pasur biseda mes brazilianit dhe Tiranës, por nuk është arritur një përfundim. Bardheblutë e shohin lojtar të mirë, por ai ka një problem që i lë drejtuesit e kryeqytetit në mëdyshje. I mungon vazhdimësia dhe sjellja nuk është nga ato që të lënë me gojë hapur. Dilema e Tiranës kjo është dhe braziliani është shumë larg.

Mundësitë që Viktor da Silva të vishet bardheblu janë shumë të vogla. Husein është lojtari i pestë që Tirana afron këtë merkato vere. Dihet që Tiranës i janë larguar tre lojtarë me peshë, Erjon Hoxhallari, Majkëll Ngo dhe Ardit Toli, si dhe sportistë të tjerë që nuk kishin hapësira.

Këtë verë janë afruar Aleksi, Hasani, Iseni dhe Hila, ndërsa vetëm ish-lojtari i Teutës ka luajtur titullar. Bardheblutë duan akoma futbollistë në organikë, por skuadra do të plotësohet ndoshta pas ndeshjes së parë të Konferencë Ligës.





Lajmet e fundit nga