web counter
LEXO PA REKLAMA!

SHKARKO APP

App Store
Google Play

Ngjarje e rëndë për botën e automobilizmit, një i pastrehë vret ish-pilotin

17 Korrik 2022, 22:30, Sport CNA

Një ish-pilot i njohur i garave NASCAR në SHBA, Bobi Ist, është ndarë nga jeta në mënyrë tragjike pas një sulmi me thikë nga një i pastrehë. Ngjarja e rëndë ka ndodhur në Kaliforni, ku policia shpalli në kërkim e pastaj gjeti dhe vrau autorin në një shkëmbim zjarri me të.

Mediat bëjnë të ditur se 37-vjeçari Ist kishte qenë në një pikë karburanti kur në mënyrë të papritur, një person i panjohur e kishte sulmuar me thikë. Sipas policisë, viktima ishte gjetur e shtrirë në tokë dhe disa plagë në gjoks. Pavarësisht përpjekjeve për ta mbajtur në jetë, zemra e Ist ishte ndalur përfundimisht gjatë rrugës për në spital.

Polica nisi menjëherë kërkimin për një 27-vjeçar të pastrehë, i cili akuzohej se kishte goditur edhe një person tjetër me thikë. Ai u gjet i fshehur në një apartament të premten dhe pas një shkëmbimi zjarri meqë refuzoi të dorëzohej, ishte qëlluar për vdekje nga policia.

Ist ishte një yll në garat me makina pasi kishte fituar tre tituj kampion në kategorinë USAC. Nga viti 2005, deri në vitin 2008, ai kishte garuar edhe në garat e kategorisë NASCAR.





Lajmet e fundit nga