web counter
LEXO PA REKLAMA!

SHKARKO APP

App Store
Google Play

E fundit!

x

Shorti i turit të tretë/ Ballkani i Ilir Dajës mund të bëhet pengesë për Tiranën, Laçi dhe Vllaznia rrezikojnë duel me Koniasporin

17 Korrik 2022, 11:28, Sport CNA

Vazhdon rrugëtimi europian për skuadrat shqiptare, me UEFA-n që ka publikuar kundërshtarët e tyre të mundshëm në rast kualifikimi në turin e tretë të Ligës së Konferencës, me shortin final që do të hidhet ditën e nesërme.

Tirana në rast se mposht Zrinjskin mund të përballet në turin e tretë me Ballkanin e Ilir Dajës, i cili gjendet në grupin e skuadrave të rivalëve të mundshëm të kryeqytetasve, me klubin e Superligës së Kosovës që duhet të kalojë fillimisht skuadrën e San Marinos, La Fiorita.

Vllaznia dhe Laçi që gjenden së bashku në një grup rrezikojnë një përballje me Koniasportin e Cikalleshit dhe Çekiçit, me skuadrën turke që është në listën e rivalëve të mundshëm së bashku me disa rivalë të tjerë me emër si Slavia e Pragës dhe Rijeka.

Shkëndija dhe Drita gjithashtu janë njohur me rivalët e tyre të mundshëm në rast kalimi në turin e tretë të Ligës së Konferencës ku dhe për ta parashikohen rivalë të rëndësishëm.

 





Lajmet e fundit nga