web counter
LEXO PA REKLAMA!

SHKARKO APP

App Store
Google Play

VIDEO/ Milani mposht Këlnin, dygolësh spektakolar nga Olivier Zhiru

16 Korrik 2022, 21:19, Sport CNA

Kampionët e Italisë janë kthyer! Pas titullit të 19-të të fituar në Serinë A 22 majin e kaluar dhe festën e madhe të bërë nga të gjithë tifozët kuqezinj nëpër botë, lojtarët e trajnerit Pioli janë kthyer në fushë.

Me fillimin e sezonit të ri, fillojnë edhe miqësoret e para përgatitore. Kështu, pasditen e sotme, me rastin e Telekom Cup, kuqezinjtë kanë luajtur kundër Këlnit.

Takimi është zhbllokuar pas vetëm 17 minutash lojë. Kanë qenë pikërisht kampionët e Italisë që kanë kaluar në avantazh në "Rhein Energie Stadion".

Ka bërë gjithçka Rebic, i cili ka rikuperuar topin, ka pasur në krah te Mesiasit, me këtë të fundit që e ka kthyer topin te kroati, i cili ka dhënë një pasim të mrekullueshëm me thembër për Zhirunë.

Sulmuesi francez ka bërë një lëvizje po aq të mrekullueshme duke kaluar me lehtësi portierin dhe duke shënuar me portën e boshatisur. Tjetër realizim i përsosur nga francezi, i cili është ndihmuar edhe nga një devijim.

Reagim i skuadrës së Bundesligës ka ardhur në fundin e ndeshjes dhe më saktësisht në minutën e 86-të. Dietz, në fakt, ka ngushtuar diferencat dhe ka fiksuar shifrat në 2-1.

 





Lajmet e fundit nga