web counter
LEXO PA REKLAMA!

SHKARKO APP

App Store
Google Play

E fundit!

x

Provë "zjarri" për trajnerin Fonseca, dy sfida vendimtare te Milani

2 Shtator 2024, 17:03, Sport CNA

Provë "zjarri" për trajnerin Fonseca, dy sfida vendimtare te

Stoli i Paulo Fonseca-s te Milani, ka filluar të lëkundet. Starti i dobët i kuqezinjve në këtë fillim sezoni, ka vënë në dyshim të ardhmen e trajnerit portugez.

Milani nuk e njeh ende shijen e fitores në Serinë A, pasi në tre javët e para, ka regjistruar dy barazime dhe një humbje.

Barazimi i fundit me Lazion, ka krijuar një situatë, aspak të qetë te nënkampionët e Italisë. Fonseca është në qendër të kritikave, së bashku me drejtuesit, që shihen si fajtorë për merkaton.

Momentalisht, portugezi nuk rrezikon shkarkimin, por në rast se situata nuk ndryshon, largimi do të ishte i pashmangshëm.

Sipas asaj që raportojnë mediat nga Italia, dy ndeshjet ndaj Liverpool në Ligën e Kampioneve dhe ndaj Interit në kampionat, janë provë për të ardhmen e trajnerit.

Në rast se skuadra nuk ndryshon rezultatet në këto dy takime, pankina e Fonseca-s, do të ishte në dyshim të madh. Situata te kuqezinjtë nuk është aspak e qetë, me trajnerin, që në ndeshjen e fundit ndaj Lazios, uli në stol dy nga lojtarët më të spikatur te Milani, Theo Hernandez dhe Rafael Leao.

Një tjetër rezultat negativ në ndeshjet e ardhshme, do të agravonte situatën edhe më tej, prandaj gjithçka do të vendoset brenda 3 javëve. Momentalisht Fonseca ka besimin e drejtuesve, të cilët shpresojnë se rezultatet do të vijnë.





Lajmet e fundit nga