web counter
LEXO PA REKLAMA!

SHKARKO APP

App Store
Google Play

ZYRTARE/ Vendoset përfundimisht e ardhmja e Ilir Dajës

2 Shtator 2024, 13:36, Sport CNA

ZYRTARE/ Vendoset përfundimisht e ardhmja e Ilir Dajës

Tani është zyrtare! Ilir Daja mbyll aventurën si trajner i Ballkanit. Njoftimi zyrtar ka ardhur nga vetë kampionët e Kosovës, që njoftuan se donin që tekniku të vazhdonte aventurën në stol, por ishte vendimi i tij për t'u larguar.

Ai e mori drejtimin e Ballkanit në janar të vitit 2022. E ka udhëhequr skuadrën drejt tre titujve kampionë të Kosovës. Me Dajën në krye, Ballkani ka arritur dy herë në fazën e grupeve të Ligës së Konferencës dhe madje ka synuar kalimin për më tej, në fazën me eliminim direkt.

Daja vlerësohet për ngritjen e futbollit kosovar në përgjithësi e të Ballkanit në veçanti. Asnjë skuadër tjetër kosovare nuk ka arritur në fazën e grupeve të kupave evropiane.

Me Dajën, Ballkani ka fituar edhe një Kupë dhe një Superkupë të Kosovës.

Po ashtu Ballkani gjatë periudhës sa Daja ishte në krye ia doli të shesë lojtarë të shumtë, ndërsa ka zbuluar edhe shumë të tjerë. Albion Rrahmani, Ermal Krasniqi, Meriton Korenica, Lumbardh Dellova, Qëndrim Zyba, Albin Berisha janë disa prej lojtarëve që janë rritur ndjeshëm nën drejtimin e Dajës e tashmë janë pjesë e klubeve evropiane.

57-vjeçari ka pasur karrierë të suksesshme në Shqipëri, ku gjithashtu ka regjistruar suksese të mëdha, kryesisht te klubi i Skënderbeut, me të cilët u kualifikua edhe në grupet e Europa Ligës.

Ballkani gjatë verës mbeti pa shumë lojtarë titullarë. Nuk ia doli të paraqitet me sukses në kualifikimet e Ligës së Kampionëve e më pas në kualifikimet e Ligës së Konferencës.

Pas largimit nga Ballkani, Daja pritet të rikthehet dhe të drejtojë në Superiore. Dinamo thuhet se ka mbyllur akordin me teknikun kryeqytetas dhe pritet të zyrtarizohet gjatë javës.





Lajmet e fundit nga