web counter
LEXO PA REKLAMA!

SHKARKO APP

App Store
Google Play

E fundit!

x

Ishte në të njëjtën qeli me të birin/ Ndërron jetë i paraburgosuri në Shkodër

28 Qershor 2026, 11:37, Kronika CNA

Ishte në të njëjtën qeli me të birin/ Ndërron

Një i paraburgosur në burgun e Shkodrës ka ndërruar jetë në orët e para të mëngjesit të sotëm.

Sipas informacioneve zyrtare, i paraburgosuri me inicialet Ç. J., 62 vjeç, i cili ishte në të njëjtën qeli me të birin të burgosurin me inicialet D. J., pësoi një përkeqësim të papritur të gjendjes shëndetësore.

62-vjeccarit u transportua me urgjencë drejt spitalit të Koplikut por pas mbërritjes në urgjencën spitalore u konstatua se kishte ndërruar jetë. Ndërkohë behet me dije se kanë nisur hetimet për zbardhjen e rrethanave të ngjarjes.

Njoftimi i Drejtorisë së Burgjeve:

Në orët e para të mëngjesit të datës 28.06.2026, në IEVP Shkodër u regjistrua një emergjencë shëndetësore. I paraburgosuri me inicialet Ç. J., i datëlindjes 10.11.1964, i cili ishte i akomoduar në të njëjtën dhomë me të birin, të burgosurin me inicialet D. J., pësoi një përkeqësim të papritur të gjendjes shëndetësore, çfarë bëri të nevojshme ndërhyrjen e menjëhershme të personelit mjekësor.

Personeli shëndetësor i institucionit i ofroi menjëherë ndihmën e parë dhe, për shkak të rëndimit të gjendjes, u vendos transportimi i tij me urgjencë drejt Spitalit të Koplikut.

Gjatë transportit, si dhe pas mbërritjes në urgjencën spitalore, stafi mjekësor kreu të gjitha procedurat e reanimimit kardiorespirator, por, pavarësisht përpjekjeve të vazhdueshme, mjekët konstatuan ndarjen e tij nga jeta.

Në përputhje me procedurat ligjore, organet kompetente janë njoftuar menjëherë dhe kanë nisur veprimet procedurale për dokumentimin e plotë të rastit dhe sqarimin e rrethanave të ngjarjes.

Drejtoria e Përgjithshme e Burgjeve shpreh ngushëllimet e sinqerta familjes së të ndjerit dhe garanton bashkëpunim të plotë me organet e drejtësisë për zbardhjen e plotë të këtij rasti. /CNA





Lajmet e fundit nga