web counter
LEXO PA REKLAMA!

SHKARKO APP

App Store
Google Play

Broja nuk vjen në grumbullim, e konfirmon Silvinjo: Kemi ftuar Uzunin…

2 Shtator 2024, 11:23, Sport CNA

Broja nuk vjen në grumbullim, e konfirmon Silvinjo: Kemi ftuar


Trajneri i Shqipërisë, Silvinjo, foli në konferencë për shtyp për listën e zgjedhjeve për Ligën e Kombeve ndaj Gjeorgjisë dhe Ukrainës. 

Tekniku kuqezi bëri të ditur se Armando Broja nuk do të jetë në grumbullim, ndërsa shtoi se është ftuar Myrto Uzuni. 

Gjithashtu ai sqaroi edhe lënien jashtë të Ernest Muçit. 


"Pikë së pari dua të falënderoj të gjithë Federatën, edhe shumë prej jush që më keni dërguar mesazhe në një moment të vështirë. Faleminderit, të gjithëve, edhe lojtarëve, për mbështetjen në një moment që nuk është i thjeshtë, por kështu është jeta.

Broja nuk është në listë, është jashtë. Ne kemi pritur deri në fund, edhe dje ishim në kontakt me Evertonin, stafin, të gjithë ata. Ai kishte një problem me tendinin e Akilit, ka nisur përgatitjen, por ne e dimë që është jashtë 10-15 ditët e ardhshme, nuk mund të na ndihmojë. Më vjen keq për të dhe i uroj një rikuperim të shpejtë, kemi bërë ftesën për Uzunin, që nesër mund të jetë me ne.

Kur flasim për listën e madhe mua më duhet të zgjedh, Muçi është i rëndësishëm, e kemi pasur edhe në Europian. Kemi punuar me stafin dhe zgjedhjen e Asanit, kemi opsionin tjetër, kemi Muçollin që është i dëmtuar dhe nuk mund të zgjedh më shume se 24 lojtarë, Muçi është i rëndësishëm dhe do të jetë në vazhdim me ne.

Lënia jashtë e Berishës, mos do të thotë se aventura e tij me Kombëtaren ka mbaruar? Jo absolutisht. Berisha për momentin është pa një skuadër dhe nuk është në formën e tij më të mirë për të luajtur. Kjo është arsyeja e lënies jashtë të tij.

Keni menduar të kontaktoni edhe Brajan Grudën? Një pjesë e rëndësishme në Kombëtare është të mbledhim talente. Nuk është një punë sekrete. Gruda ka dy nacionalitete dhe ai mund të përfaqësojë kë të dojë. Nuk mund të them ekzaktësisht se çfarë po bëjmë, por po bëjmë një punë të madhe. Shpresoj që t’ia vlejë në fund”, ka theksuar fillimisht Silvinjo.





Lajmet e fundit nga