web counter
LEXO PA REKLAMA!

SHKARKO APP

App Store
Google Play

Çudira shqiptare! Kundërshtari i Partizanit e nis ndeshjen me 9 lojtarë

1 Shtator 2024, 14:21, Sport CNA

Çudira shqiptare! Kundërshtari i Partizanit e nis ndeshjen me 9

Çudirat shqiptare në futboll, duket se nuk do të përfundojnë ndonjëherë. Së fundmi, një episod i pazakontë u regjistrua në ndeshjen e moshave U-19, mes Partizanit dhe Apolonisë.

Skuadra fierake e nisi ndeshjen me nëntë lojtarë dhe shkak u bë mungesa e fanellave. Një episod komik, që detyroi skuadrën mike, të luajë me dy lojtarë më pak, deri në minutën e 35-të.

Ndeshja, e vlefshme për javën e parë të kampionatit, ishte planifikuar të startonte në orën 12:00, por për shkak të problemit me fanellat, u shty për më shumë se një orë.

Situata nuk po merrte zgjidhje dhe palët vendosën që Apolonia të zbresë në fushë me 9 lojtarë, pasi në të kundërt rrezikonte humbjen në tavolinë.

Fierakët luajtën në inferioritet numerik deri në minutën e 35-të, kur situata u zgjidh dhe në fushë u futën dy lojtarë të tjerë.

Pavarësisht se Partizani për shumicën e kohës luajti me dy lojtarë më shumë në fushë, pjesa e parë në “Arenën e Demave”, u mbyll në barazim pa gola.

Megjithatë, fraksioni i dytë i lojës, ishte një tjetër histori. Të kuqtë e kryeqytetit, ia dolën të shënojnë tre herë, për të marrë fitoren me rezultatin 3-0.

Partizani e nis kështu kampionatin me fitore dhe shpresojnë ta mbyllin me fitimin e një trofeu, që është edhe objektiv i skuadrës.





Lajmet e fundit nga