web counter
LEXO PA REKLAMA!

SHKARKO APP

App Store
Google Play

E fundit!

x

Inter spektakolar, shkatërron Atalantën me 4 gola

30 Gusht 2024, 23:11, Sport CNA

Inter spektakolar, shkatërron Atalantën me 4 gola


Interi duket në formë të jashtëzakonshme në këtë fillim sezoni. Kampionët e Italisë, shkatërruan me shifrat e thella 4-0 Atalantën, në ndeshjen e vlefshme për javën e tretë në Serinë A. Një rezultat që konfirmon se Interi është sërish skuadra për tu mundur këtë sezon në Itali.

Zikaltërit e Inzagit kaluan në avantazh që në minutën e tretë pas një autogoli të Berat Gjimshitit i cili ishte i pafat dhe dërgoi topin në rrjetën e portës së tij, nga devijimi i gjuajtjes së Turam.

Interi iu afrua golit të dytë në minutën e tetë, kur pas ekzekutimit të goditjes së dënimit, Çalhanoglu goditi shtyllën.

Epërsia e vendasve u dyfishua në minutën e dhjetë falë një supergoli të realizuar nga Nikolo Barela, i cili nuk i dha mundësi reagimi portierit kundërshtar, për ta dërguar rezultatin në 2-0.

Atalanta në anën tjetër pati dy mundësi të mira shënimi me Zapakosta dhe Retegi, por nuk ia dolën të gjejnë rrugën e rrjetës.

Vendasit nuk u ndalën më kaq dhe në pjesën e dytë arritën të shënojnë edhe dy gola të tjerë, për të vulosur fitoren e thellë me rezultat 4-0.

Autor i të dy golave ishte francezi Markus Turam, i cili fillimisht shënoi në minutën e 47-të për rezultatin 3-0, ndërsa në minutën e 56-të vulosi takimin me golin e katërt. 

Pas kësaj fitoreje, Interi numëron shtatë pikë të grumbulluara dhe momentalisht mban kryesimin në Serinë A.

Ndeshjen e ardhshme të besuarit e Simone Inzagit do ta luajnë ndaj Monzës në transfertë.  më datë 15 shtator.





Lajmet e fundit nga