web counter
LEXO PA REKLAMA!

SHKARKO APP

App Store
Google Play

E fundit!

x

Disiplina zbulon vendimet, dënohen tre klubet e Superiores

30 Gusht 2024, 20:36, Sport CNA

Disiplina zbulon vendimet, dënohen tre klubet e Superiores


Komisioni i Disiplinës, ka zbuluar vendimet në lidhje me ngjarjet e ndodhura në futbollin shqiptar. Vllaznia, Tirana dhe Elbasani, janë dënuar me gjobë, për shkak të sjelljes së gabuar të tifozëve. 
Po ashtu ashtu janë paralajmëruar klube si Flamurtarin dhe Vora, që në rast të përsëritjes së sjelljes së gabuar nga tifozët do të jenë objekt i masave. Lojtari i Pogradecit, Jorgo Qeleshi, është dënuar me 4 ndeshje pezullim për sjellje të dhunshme ndaj kundërshtarit. 

Laçit ndërkohë i është pranuar kërkesa, që të shlyejë me gjobë pjesën e mbetur të dënimit të ëilliam Cordeiros. 

Vendimet e Komisionit të Disiplinës dhe Etikës, më datë 30 gusht 2024:

1. KF Tirana, për sjellje të gabuar të spektatorëve duke hedhur sende në fushë dhe ndezje të flakadanëve, në bazë të neneve 17/2/b dhe 17/2/c të KDE, dënohet me gjobë në masën 100.000 (njëqind mijë) lekë.

2. KF Vllaznia, për sjellje të gabuar të spektatorëve duke hedhur sende në fushë dhe ndezje të flakadanëve, në bazë të neneve 17/2/b dhe 17/2/c të KDE, dënohet me gjobë në masën 100.000 (njëqind mijë) lekë.

3. AF Elbasani, për sjellje të gabuar të spektatorëve duke hedhur sende në fushë dhe ndezje të flakadanëve, në bazë të neneve 17/2/b dhe 17/2/c të KDE, dënohet me gjobë në masën 100.000 (njëqind mijë) lekë.

4. FK Vora, në bazë të nenit 6/1/a të KDE, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës dhe Etikës dhe Rregulloret e FSHF.

5. Flamurtari FC, në bazë të nenit 6/1/a të KDE, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës dhe Etikës dhe Rregulloret e FSHF.

6. Lojtari i KF Pogradeci, Jorgo Qeleshi, për sjellje të dhunshme ndaj kundërshtarit, në bazë të nenit 14/1/h të KDE, dënohet me 4 (katër) ndeshje pezullim nga veprimtaritë.

7. Klubi i Futbollit Luzi i Vogël 2008, për dështim në ekzekutimin e vendimit nr. 11, datë 08.01.2024 të Dhomës Kombëtare të Zgjidhjes së Mosmarrëveshjeve, në bazë të nenit 29/1/c të KDE, vendoset ndalimi i regjistrimit të lojtarëve të rinj për 3 (tre) periudha regjistrimi deri në pagesën e plotë të detyrimit.

8. Pranimin e kërkesës së KF Laçi, për konvertimin të pjesës së mbetur të dënimit për lojtarin ëilliam Cordeiro Melo në bazë të nenit 75 të KDE.

9. Rrëzimin e kërkesës së lojtarit Redi Kaçanolli të KF Lushnja si të pabazuar në Kodin e Disiplinës dhe Etikës.

Kundër vendimit lejohet ankim brenda 3 (tre) ditëve përpara Komisionit të Apelit





Lajmet e fundit nga