web counter
LEXO PA REKLAMA!

SHKARKO APP

App Store
Google Play

Liga e Kombeve/ Trajneri Foda: Kosova luan për vendin e parë

2 Shtator 2024, 17:01, Sport CNA

Liga e Kombeve/ Trajneri Foda: Kosova luan për vendin e parë

Përfaqësuesja e Kosovës, është gati për dy ndeshjet e muajit shtator në Ligën e Kampioneve, ndaj Rumanisë dhe Qipros.

Pas publikimit të listës, trajneri i dardanëve, Franco Foda, foli në konferencë për shtyp, duke thënë se të gjithë lojtarët janë në formë shumë të mirë.

Tekniku gjerman deklaroi se synohet vetëm vendi i parë në renditje dhe të shënohen më shumë gola se në të kaluarën.

“I kemi përfunduar miqësoret dhe po përgatitemi për edicionin e ri të Ligës së Kombeve. Të gjithë lojtarët janë në formë të mirë. Për ndeshjen e parë në shtëpi jemi shumë të motivuar dhe të lumtur, prandaj do të bëjmë gjithçka që kundër Rumanisë të arrijmë fitore.

Është jashtëzakonisht e mirë kur ke kaq shumë lojtarë në formë dhe ke mundësi të zgjedhësh. Në ndeshjet e kaluara nuk kemi shënuar aq shumë gola, por tani kemi në dispozicion lojtarë si Muriqi, Rrahmani, Zhegrova dhe Asllani. Ata kanë shënuar me skuadrat e tyre dhe shpresojmë që të shënojnë edhe me Kosovën.

Qëllimi më i rëndësishëm për ne është që ta fitojmë ndeshjen e parë. Sigurisht se objektivi ynë është që të fitojmë ndeshjet dhe të jemi të parët në grup.”, deklaroi Foda.

Kosova është pjesë e Ligës C, në grupin 2, së bashku me Rumaninë, Qipron dhe Lituaninë. Dardanët nisin rrugëtimin ndaj Rumanisë në shtëpi, më 6 shtator, në ndeshjen e planifikuar për tu luajtur në “Fadil Vokrri”, ndërsa 3 ditë më vonë, do të përballen me Qipron në transfertë.





Lajmet e fundit nga