web counter
LEXO PA REKLAMA!

SHKARKO APP

App Store
Google Play

Premier League/ Chelsea bind ndaj Aston Villa-s, United i falet dyshes Rashford-Zirkzee

1 Dhjetor 2024, 16:28, Sport CNA
Premier League/ Chelsea bind ndaj Aston Villa-s, United i falet dyshes
Manchester United

Chelsea bind me fitoren 3-0 ndaj Aston Villa-s dhe ruan ritmin e javëve të fundit në Premier League, teksa miqtë nga ana tjetër as në këtë raund nuk mundën që të bënin kthesën.

Takimi i raundit të 13-të u dominua nga vendasit, të cilët gjetën rrugën drejt rrjetës në minutën e 7’ me Jackson, ndërsa Fernandez dyfishoi avantazhin e skuadrës së tij me golin e minutës së 36’.

Në pjesën e dytë u realizua edhe një gol tjetër, me Cole Palmer që vulosi takimin në minutën e 83’.

Pas kësaj përballje, Chelsea ngjitet momentalisht në vend të tretë me 25 pikë, teksa Aston Villa pozicionohet në vend të 12-të me 19 pikë.

Manchester United merr një fitore të madhe ndaj Everton-it, teksa triumfoi me “poker” në “Old Trafford”.

Ky takim u zhbllokua në minutën e 34’ nga Rashford, ndërsa Zirkzee dyfishoi avantazhin e vendasve me golin e minutës së 41’.

Po këta dy lojtarë realizuan sërish, me Rashford në minutën e 46’, teksa holandezi vulosi takimin me golin e minutës së 64’.

Pas javës së 13-të të Premier League, Manchester United renditet në vend të nëntë me 19 pikë, telsa Everton në vend të 15-të me 11 pikë.

Tottenham-Fulham u ndanë me barazimin 1-1 këtë të dielë.

Me pjesën e parë që u mbyll me porta të paprekura, u desh minuta e 54’ që Johnson të zhbllokonte takimin dhe të kalonte vendasit në avantazh.

Megjithatë, në minutën e 67’ Cairney barazoi për Fulham-in si dhe njëkohësisht mbylli këtë ndeshje.

Pas raundit të 13-të të Premier League, Totteham renditet në vend të shtatë me 20 pikë, teksa Fulham në vend të 10-të me 19 pikë./CNA





Lajmet e fundit nga