web counter
LEXO PA REKLAMA!

SHKARKO APP

App Store
Google Play

E fundit!

x

U përfol te Real Madrid, por Zidane mund të përfundojë te skuadra tjetër e madhe

1 Dhjetor 2024, 14:41, Sport CNA

U përfol te Real Madrid, por Zidane mund të përfundojë te

Paris Saint Germain po përballet me një nga situatat më të vështira të sezoneve të fundit. Skuadra franceze, po kalon një moment kritik, sidomos pas humbjes ndaj Bayern Munich në Champions League, e cila ka vënë në pikëpyetje të ardhmen e trajnerit Luis Enrique.

Performanca e dobët në fazën e grupeve, me vetëm një fitore në pesë ndeshje dhe humbje ndaj klubeve si Arsenal dhe Atletico Madrid, ka rritur presionin mbi trajnerin spanjoll.

Ndërkohë, dominimi në Ligë On nuk mjafton për një klub që synon të shkëlqejë në Europë. Aq më tepër, që edhe në kampionat, nuk shkuan më shumë se barazimi 1-1 ndaj Nantes.

Luis Enrique është përballë një ultimatum të qartë, të ndryshojë rezultatet e ekipit, ose në të kundërt shkarkimi do të ishte i pashmangshëm. Dështimi për të kualifikuar PSG-në në fazën tjetër të Ligës së Kampioneve do të rrezikojë seriozisht qëndrimin e tij në krye të skuadrës. Përballjet vendimtare kundër Salzburg dhe Manchester City do të përcaktojnë fatin e tij.

Në këtë situatë, Zinedine Zidane shihet si kandidati kryesor për ta zëvendësuar. Trajneri francez, i njohur për suksesin e tij me Real Madridin në Champions League, përfaqëson një opsion ideal për projektin ambicioz të PSG-së.

U përfol te Real Madrid, por Zidane mund të përfundojë te

Zidane është i lirë që prej vitit 2021 dhe ka reputacionin e duhur për të menaxhuar yjet e skuadrës pariziene dhe për të sjellë suksesin e shumëpritur evropian.

Ditët në vijim do të jenë vendimtare për të parë nëse Luis Enrike do të arrijë të përmbysë situatën dhe të mbajë pozicionin e tij, apo nëse PSG do të nisë një epokë të re nën drejtimin e Zidanit.

Kujtojmë se trajneri Zidane në kohët e fundit është përfolur edhe te Real Madrid, si një nga kandidatët për të pasuar Ancelotti-n, e ardhmja e të cilit gjithashtu është në dyshim.





Lajmet e fundit nga