web counter
LEXO PA REKLAMA!

SHKARKO APP

App Store
Google Play

E fundit!

x

FOTO/ Pamje tronditëse, Theo Hernandez akuzohet se ka dhunuar një grua në restorant

1 Dhjetor 2024, 12:40, Sport CNA
FOTO/ Pamje tronditëse, Theo Hernandez akuzohet se ka dhunuar një grua
Theo me gruan

Emri i mbrojtësit të skuadrës së Milan-it, Theo Hernandez, është përfshirë në një ngjarje të rëndë.

27-vjeçari francez është akuzuar live në një emision se ka dhunuar një grua.

Prezantuesi dhe gazetari italian, Massimo Giletti, pretendoi ditët e fundit se kishte parë një futbollist të njohur të një prej dy klubeve të Milanos të godiste një vajzë.

Ndërkohë, të shtunën, ish-paparaci italian, Fabrizio Corona zbuloi se lojtari në fjalë është mbrojtësi i Milan-it, Theo Hernandez.

Një video që është bërë virale në internet sipas tij shfaq futbollistin francez duke dhunuar një vajzë, e cila nuk dihet ende se cila mund të jetë.

Kjo ngjarje bëhet me dije se ka ndodhur në restorantin Basho në Milano, që ndodhet në rrugën Valtellina.

Pronari i restorantin, Michele Giglio, përmes një deklarate zyrtare mohoi kategorikisht thashethemet.

Aktualisht as Theo Hernandez dhe as Milan nuk kanë dhënë deklarata zyrtare lidhur me akuzat. Rasti është ende në zhvillim dhe videoja do të duhet gjithashtu të analizohet tërësisht për të konstatuar çdo detaj.

Ky rast u shtohet akuzave të tjera që Corona kishte bërë kundër Theo Hernandez në të kaluarën, si për shembull një zënkë e supozuar me reperin Geolier.

Megjithatë, mbrojtësi i Milan-it nuk u është përgjigjur asnjëherë publikisht provokimeve të Fabrizio Corona-s./CNA

FOTO/ Pamje tronditëse, Theo Hernandez akuzohet se ka dhunuar një grua





Lajmet e fundit nga