web counter
LEXO PA REKLAMA!

SHKARKO APP

App Store
Google Play

E fundit!

x

Derbi i kryeqytetit, masat e policisë dhe rrugët që do të bllokohen sot në Tiranë

1 Dhjetor 2024, 11:45, Sport CNA
Derbi i kryeqytetit, masat e policisë dhe rrugët që do të
Policia

Derbi i kryeqytetit, Tirana-Partizani, është ndeshja më e rëndësishme e javës së 15-të të Kategorisë Superiore.

Kjo supersfidë do të luhet këtë të diel, duke nisur nga ora 19:00 në stadiumin “Arena Kombëtare”.

E ndërsa jemi në prag të këtij takimi, Policia e Shtetit ka bërë me dije masat që do të merren për garantimin e rendit publik dhe sigurisë.

Bëhet me dije se ndaj tifozëve do të ushtrohen kontrolle fizike, për sende të ndaluara në stadium.

“Në zbatim të planit të masave, do të ushtrohen kontrolle rigoroze ndaj tifozëve, para hyrjes në stadium, për sende të kundërligjshme (sende të forta, bidonë uji, çadra, çelësa metalik apo lëndë piroteknike), dhe çdo tifoz duhet të jetë i pajisur me dokument identifikimi”-thuhet në njoftimin e policisë.

Më tej, bëhen me dije edhe rrugët që do të bllokohen duke nisur nga ora 17:00 e deri në përfundim të ndeshjes.

“Rruga "Lek Dukagjini", përreth stadiumit, rruga "Dervish Hima", rruga "Gjergj Filipi", rruga "Papa Gjon Pali II", nga kryqëzimi me rrugën "Ismail Qemali" deri te stadiumi "Air Albania", bulevardi "Dëshmorët e Kombit", nga Presidenca deri te sheshi "Nënë Tereza"”-shtohet në njoftim.

Tirana-Partizani pritet të ketë prezencë të lartë të tifozerisë, me mbështetësit e “bardhebluve” që rikthehen në stadium, pas disa ndeshjeve ndëshkim./CNA

 





Lajmet e fundit nga