web counter
LEXO PA REKLAMA!

SHKARKO APP

App Store
Google Play

Ancelotti: Mbappe? Ka të njëjtin problem si ne të tjerët

30 Nëntor 2024, 14:43, Sport CNA
Ancelotti: Mbappe? Ka të njëjtin problem si ne të tjerët
Carlo Ancelotti

Trajneri i Real Madrid-it, Carlo Ancelotti, ka folur sërish për Kylian Mbappe-në dhe faktin që francezi ende nuk po mund të shfaqet në formën e tij të mirë me skuadrën spanjolle.

Në prononcimin e dhënë së fundmi për mediet në prag të ndeshjes ndaj Getafe-s, që luhet të dielën në kuadër të javës së 15-të të La Liga-s, italiani kërkoi që me Mbappe-në të kenë durim.

Tekniku i “Los Blancos” theksoi se francezi ka të njëjtin problem si të gjithë momentlisht te Real-i, që është gjetja e versionit më të mirë.

“Problemi që ka Mbappe është problemi që kemi të gjithë ne. Ne po kërkojmë të gjejmë versionin tonë më të mirë. Unë dhe lojtarët e mi. Problemi është tek ekipi dhe jo tek lojtarët individualë”-tha fillimisht Ancelotti.

Më tej, ai shtoi se Mbappe ka shënuar dhe ka kontiubuuar në lojën e Real Madrid-it, por theksoi se i duhet më shumë mbështetje.

“Duhet të bëjmë gjithçka që të përmirësohemi, nuk është problem individual. Mbappe ka shënuar 9 gola, ai ka kontribuar në lojën tonë, ka dhënë asistime. Duhet të vazhdojmë ta mbështesim, të kemi durim dhe të mendojmë se është problem kolektiv por jo individual”-deklaroi Carlo Ancelotti.

Real Madrid-Getafe përballen këtë të dielë, duke nisur nga ora 16:15, për llogari të javës së 15-të të La Liga-s./CNA





Lajmet e fundit nga