web counter
LEXO PA REKLAMA!

SHKARKO APP

Garë e fortë në Turqi, dy klube synojnë afrimin e Muriqit në janar

30 Nëntor 2024, 11:58, Sport CNA
Garë e fortë në Turqi, dy klube synojnë afrimin e Muriqit
Vedat Muriqi

Klubet turke janë bërë shumë aktive në merkatot e fundit, duke afruar emra të mëdhenj të futbollit europian, e jo vetëm.

Emri më i diskutuar për merkaton e dimrit në Superligën turke është i sulmuesit të përfaqësueses së Kosovës, Vedat Muriqi.

Nga Turqia raportohet se 30-vjeçari që është pjesë e skuadrës së Mallorca-s në La Liga pëlqehet shumë nga Galatasaray si dhe nga ish-skuadra e tij, Fenerbahce.

Dy ekipet që garojnë për titullin kampion në Superligën turke kërkojnë të përforcojnë repartin e sulmit dhe të dy ata kanë kthyer fokusin nga “dardani”.

Përvoja e tij në Superligën turke, ku ka qenë pjesë e rëndësishme e Fenerbahce-s, shihet si një faktor që mund të sjellë një ndikim të menjëhershëm.

Bisedimet me përfaqësuesit e Muriqit kanë nisur, por mbetet për t’u parë nëse ai vetë do të dojë një rikthim në Turqi apo nëse do dëshirojë qëndrimin te Mallorca.

Sezonin e shkuar në La Liga, Muriqi realizoi 7 gola dhe dhuroi 2 asiste me fanellën e Mallorca-s.

Ndërsa këtë edicion, në 11 ndeshje, ka shënuar 2 gola dhe ka dhënë 1 asist./CNA





Lajmet e fundit nga