web counter
LEXO PA REKLAMA!

SHKARKO APP

App Store
Google Play

Finale e çmendur, Copa Libertadores ka një fitues të ri. Triumf historik i Botafogo-s

1 Dhjetor 2024, 14:47, Sport CNA

Finale e çmendur, Copa Libertadores ka një fitues të ri. Triumf

Botafogo ka shkruar historinë në një nga finalet më dramatike të Kopa Libertadores, duke mposhtur Atletico Mineiro me rezultatin 3-1. Siç edhe pritej, ishte një përballje që kishte gjithçka: tension, rivalitet dhe emocione deri në minutën e fundit. Ky sukses shënon triumfin e parë të klubit nga Rio de Zhaneiro në këtë kompeticion prestigjioz.

Finalja nisi në mënyrën më të keqe të mundshme për Botafogon, me mesfushorin Gregore që u përjashtua në minutën e dytë me karton të kuq, për një ndërhyrje të rëndë ndaj Fausto Verës, duke lënë skuadrën e tij me një lojtar më pak, për pothuajse gjithë ndeshjen. Pavarësisht këtij momenti negativ, Botafogo nuk u dorëzua.

Atletico Mineiro, me yje si Hulk dhe Eduardo Vargas, ushtroi presion të madh në fillim të lojës. Goditjet e Hulk rrezikuan portën e kundërshtarit, por ishte Luiz Henrique që zhbllokoi rezultatin në minutën e 35-të, duke i dhënë avantazhin Botafogos. Një penallti e shndërruar në gol nga Alex Telles pak minuta më vonë e çoi Botafogon në avantazh të sigurt me dy gola, në pushimin e pjesës së parë.

Në fraksionin e dytë, trajneri i Atletico Mineiro bëri ndryshime të shpejta dhe Eduardo Vargas e ngushtoi rezultatin në 2-1, në minutën e 47-të. Megjithatë, Botafogo mbrojti fort, duke i rezistuar përpjekjeve të vazhdueshme të Hulk dhe Dejverson. Në minutat shtesë, Santos vulosi fitoren 3-1, me një gol spektakolar në minutën e 97-të.

Ky triumf jo vetëm që i siguroi Botafogos trofeun e parë të Kopa Libertadores, por gjithashtu vendosi një moment të paharrueshëm në historinë e klubit. Me këtë fitore, Botafogo konfirmon veten si një nga fuqitë e futbollit brazilian, duke tejkaluar pritshmëritë dhe duke treguar se si një ekip mund të shkëlqejë edhe në situatat më të vështira.





Lajmet e fundit nga