web counter
LEXO PA REKLAMA!

SHKARKO APP

App Store
Google Play

E fundit!

x

Polemika në fitoren e Inter-it, Inzaghi: Nuk ishte penallti ajo e Fiorentina-s

11 Shkurt 2025, 15:47, Sport CNA

Polemika në fitoren e Inter-it, Inzaghi: Nuk ishte penallti ajo e

Inter-i regjistroi një fitore të rëndësishme ndaj Fiorentina-s, me rezultatin 2-1, në një sfidë ku gjithashtu nuk munguan polemikat.

Skuadra nga Firence kishte pretendime për golin e parë të zikaltërve, pasi goditja e këndit erdhi nga një aksion ku topi i krosuar nga Bastoni kishte dalë jashtë vijës fundore.

Në këtë rast VAR-i nuk ndërhynte dot, për shkak se ishte aksion para golit dhe gjithçka u konsiderua e rregullt për vendasit.

Tek Inter-i kishte pretendime për penalltinë e Fiorentina-s, pasi Darmian preku topin me dorë, por sipas vendasve, ishte prekje e pavullnetshme dhe sfera po shkonte jashtë, ndërsa distanca ishte shumë e afërt.

Në lidhje me këtë foli edhe trajneri Simone Inzaghi, i cili nuk u kursye ndaj vendimeve të arbitrave.

“Te Fiorentina ishin të mërzitur, siç isha edhe unë i mërzitur ndaj Leverkusen për një gol të pësuar nga goditja standarde. Penalltia e akorduar nuk ekziston. Nuk duhej dhënë kurrë.

Te rasti i Bastoni-t topi kishte dalë jashtë, por VAR-i nuk mund të ndërhynte. Distanca e Darmian te prekja me dorë ishte 1 metër e gjysmë dhe VAR-i ndërhyri. Për mua është një penallti që nuk ekziston. Gjithashtu mendoj se nuk duhej të ndërhynte VAR-i”, tha ai.

Më tej, Inzaghi u ndal edhe te fitorja, duke thënë se ishte një ndeshje e interpretuar shumë mirë nga ekipi i tij.

“Të bashkuar fituam një ndeshje të rëndësishme. Jemi përpjekur të rikuperohemi në ditët e fundit, të punojmë fort dhe të mos i kushtonim vëmendje asaj që njerëzit thanë për ne. Lojtarët treguan vendosmëri. Nuk ishte e lehtë, sepse Fiorentina mbrohej në bllok dhe të enjten na ndëshkuan.

Kaluam në avantazh, por kundërshtari na barazoi me një penallti. Pas golit tonë të dytë, luajtëm me kujdes me kundërsulmet.

Kemi bërë një rrugë të gjatë. Ne jemi duke luajtur mirë në Ligën e Kampionëve. Edhe në kampionat po bëjmë mirë, ashtu si skuadrat e tjera. Kemi luajtur një ndeshje të shkëlqyer, siç vërtetohet edhe nga statistikat”, deklaroi trajneri Inzaghi.

Me këtë fitore, Inter-i shkon në kuotën e 54 pikëve në vendin e dytë, vetëm një pikë më pak se Napoli kryesues.





Lajmet e fundit nga