E fundit!

08:32 Kosova & Bota

Pse Evropa Qendrore nuk është e përgatitur për valën e të nxehtit që po afron?

Një valë e fortë të nxehti pritet të përfshijë Evropën Qen...

Real Madrid i “gjymtuar”, 36 dëmtime për ekipin e Ancelotti-t

10 Shkurt 2025, 20:11, Sport CNA

Real Madrid i “gjymtuar”, 36 dëmtime për ekipin e

Reali i Madridit po përballet me një krizë të madhe në repartin e mbrojtjes në një nga momentet më të rëndësishme të sezonit. Një tjetër dëmtim e ka goditur skuadrën e Ançelotit, duke e lënë atë thuajse pa asnjë opsion në prapavijë për përballjen e parë ndaj Manchester City në Ligën e Kampioneve.

Pas mungesave të rëndësishme si Carvajal, Militao, Alaba dhe Rudiger, tani edhe Lukas Vasquez është jashtë fushave për një kohë të pacaktuar. Mbrojtësi spanjoll ka pësuar një dëmtim muskulor në këmbën e majtë, i cili e përjashton atë nga ndeshja e së martës në “Etihad Stadium”. Kjo situatë ka alarmuar trajnerin Ançeloti, i cili tani duhet të improvizojë një mbrojtje krejtësisht të re për të ndaluar sulmin e frikshëm të City-t.

Reali i Madridit është goditur nga një valë e pafundme dëmtimesh këtë sezon, duke regjistruar plot 36 dëmtime, ku 26 janë muskulare dhe 10 janë trauma. Kjo situatë ka ndikuar ndjeshëm në ecurinë e skuadrës dhe ka bërë që trajneri të mos ketë stabilitet në formacion. Mungesat në mbrojtje janë më të ndjeshmet, pasi trajneri italian tani ka humbur dy mbrojtësit e djathtë dhe tre qendërmbrojtësit, duke e detyruar të bëjë lëvizje taktike të detyruara.

Aktualisht, Reali ka në dispozicion vetëm tre mbrojtës të ekipit të parë: Mende, Garcia dhe Vallejo, ky i fundit që nuk është pjesë e planeve të trajnerit dhe ka pasur shumë pak minuta këtë sezon.

Për shkak të kësaj situate, Ançeloti mund të jetë i detyruar të përdorë dy mesfushorë në role mbrojtëse. Valverde dhe Tsuameni mund të vendosen në prapavijë, me Valverde që luan në krahun e djathtë dhe Tsuameni në qendër. Në krahun e majtë, do të luajë një nga dy mbrojtësit e natyrshëm, Garcia ose Mendy.

Vasquez ka qenë në limitet e tij fizike për javë të tëra. Ai ka pasur shqetësime të vazhdueshme muskulore, që e kanë penguar të luajë në disa ndeshje këtë sezon si masë paraprake.

Kjo është hera e dytë këtë sezon që Vasquez pëson një dëmtim serioz, pas atij të 9 nëntorit, që e mbajti jashtë fushës për 17 ditë.

Me një formacion të improvizuar dhe pa asnjë mbrojtës të natyrshëm në qendër të prapavijës, te madrilenët do të kenë një detyrë jashtëzakonisht të vështirë për të ndalur yjet e Cityt, si Haaland, Foden dhe De Bruyne.